बाँके बैशाख १४ गते । सरकारले लकडाउन थप एक हप्ता बढाउने स्पष्ट संकेत दिएको छ । उच्चस्तरीय समन्वय समितिको सुझाव समेटेर सरकारले आइतबार निर्णय गरे बैशाख महिनाभरी लकडाउन हुने निश्चित जस्तै छ । लकडाउन बैशाख अन्तिम हप्तासम्म खुलेपनि स्कुल भने तत्काल नखुल्ने भएका छन ।
शिक्षा, विज्ञान तथा प्रविधि मन्त्रालयले सबैभन्दा धेरै भीडभाड हुने स्कुल विद्यालय तत्काल खोल्न नसकिने स्पष्ट पारेको छ । शिक्षामन्त्री गिरिराजमणि पोखरेलले कोरोना पुरै नियन्त्रणमा नआएसम्म स्कुल खोल्न नसकिने बताएका हुन ।
यसका लागि उनले जेठ महिनाको १५ गतेसम्मको समय लाग्न सक्ने पनि बताएका छन । नेपालमा अहिले तेस्रो चरणमा रहेको कोरोना भाइरस अझै समुदायबाट फैलिदो क्रममा छ । यसलाई रोक्न नसके भयावह अवस्था आउने जोखिम छ ।
तर लकडाउन प्रभावकारी बनाएको सरकारले अहिलेसम्म स्थिती काबुमै राखेको छ ।शिक्षा पत्रकार समहूले कोरोना भाइरस र शिक्षा क्षेत्रको व्यवस्थापनसम्बन्धी शनिबार गरेको भर्चुअल पत्रकार सम्मेलनमा मन्त्री पोखरेलले देशभर दुई सय ५० विद्यालय र क्याम्पसलाई क्वारेन्टाइन बनाइएकाले तत्काल पठनपाठन शुरु गर्न नसकिने बताएका हुन ।
जेठसम्मा नयाँ शैक्षिक सत्र शुरु हुने भएपनि पढाई भईहाल्ने अवस्था नरहेको शिक्षामन्त्री पोखरेलको दाबी छ । शिक्षासम्बन्धिको विज्ञ समितिले दिएको सुझावका आधारमा कोरोना महामारी र लकडाउनमा शिक्षाका गतिविधि अगाडी बढाइने पनि मन्त्री पोखरेलले बताए ।
कोरोना महामारी र लकडाउनका कारण गएको बर्षको एसईई, प्लस टु, त्रिवि लगायतका परीक्षा पनि रद्द गरिएका छन ।
Discussion about this post