तस्बिर मोहम्मद सब्बिर अन्सारी
बाँके बैशाख १४ गते । मुस्लिम आयोगद्धारा गठित अनुगमन समितिले बाँकेका मस्जिद तथा मदरसाहरुको अनुगमन गर्ने भएको छ। त्यसका लागि प्रमुख जिल्ला अधिकारीसँग समन्वय गरेर मिति तोकिने निर्णय समितिको आज बसेको बैठकले गरेको छ ।
समितिका संयोजक अब्दुल हमिद सिद्दिकीको अध्यक्षतामा बसेको बैठकले मस्जिद तथा मदरसाहरुको अनुगमनमा स्थानीय प्रशासनलाई सघाउने निर्णय गरेको हो ।
कोरोना संक्रमण रोकथाम र नियन्त्रणका लागि मुस्लिम आयोगले अनुगमन समिति बनाएर काम गर्दै आएको छ । बाँकेका प्रमुख जिल्ला अधिकारी कुमारबहादुर खड्काले यसअघि नै मदरसा तथा मस्जिदहरुको अनुगमन गर्दै मदरसामा कोरोना परीक्षण गरिनु पर्ने धारणा व्यक्त गरिसक्नुभएको छ ।
वीरगन्जमा मस्जिदमै बसेका मुस्लिम समुदायमा कोरोना संक्रमण फैलिएपछि बाँकेमा पनि उच्च सावधानी अपनाइएको हो। बाँकेमा सबै धार्मिकस्थलहरुमा धार्मिक गतिविधि बन्द गरिएका छन् ।
Discussion about this post