बाँके बैशाख १७ गते । नेपालगंज उपमहानगरपालिका कार्यालयले बाँकेमा जिल्ला बाहिरबाट आई घरभाडामा लिएर बसेकालाई मात्र राहत वितरण गरेको छ । तर जिल्लाभित्रका विभिन्न ठाउँबाट नेपालगन्जमा घरभाडामा बस्दै आएकालाई भने राहत दिएको र्छन् । लकडाउनका कारण नेपालगन्जबाट घर जनान नपाएका जिल्लाभित्रैका नागरिकलाई समाजसेवीहरुले राहत दिन सुरु गरेका छन् ।
श्रद्धा इट्टा उद्योग, श्री नवदुर्गा पूजा समिति शिवमन्दिर० र जय माँ ज्वाला शक्ति केन्द्र स्पोर्ट क्लबको संयुक्त लगानीमा राहत वितरण गरिएको सुधिरप्रताप सिंहले बताए । श्रद्धा ईट्टा उद्योगका सञ्चालक सिंहका अनुसार वडा नं ६ मा भाडामा बस्ने बाँके जिल्ला भित्रका दैनिक मजदुरी गरी जिविकोपार्जन गर्ने अति विपन्न श्रमिक वर्गहरुलाई ९ केजी चामल, १ केजी दाल, आधा लिटर खानेतेल, १ पोका नून र आधा केजी सोयाबिन उपलब्ध गराइएको बताए । वडा कार्यालयमार्फत २०० जनाको नामावली उपलब्ध गराइएको मध्ये बुधबार १०६ जनालाई राहत वितरण गरिएको तथा थप आउने दिनमा वितरण गर्ने सञ्चालक सिंहले बताए ।
Discussion about this post