खड्क सुनार
मुगु बैशाख १८ गते । हाल विश्वभर महामारीका रुपमा फैलिएको कोरोना भाईरस (कोभिड १९) का कारण नेपाल सरकारले बन्दाबन्दि (लकडाउन ) गरेको छ ।
सोका कारण दैनिक ज्याला मजदुरीमा काम गर्ने र अतिविपन्न घर परिवारलाई खाध्यान्न संकट कम गर्नका लागि नेपाल कम्युनिष्ठ पार्टी नेकपा मुगु द्धारा राहत वितरण गरिएको छ । जिल्लाको एक मात्र छायानाथ रारा नगरपालिकाका प्रत्येक वडाहरुमा दैनिक उपभोग्य खाध्यान्न राहत प्रदान गरेको नेपाल कम्युनिष्ठ पार्टी नेकपा मुगुले जनाएको छ ।
खाध्यान्न सामाग्रीहरु तेल, आयोडिन नुन र साबुन , जिल्लाका पालिकाहरु मार्फत दैनिक ज्याला मजदुरीमा काम गर्ने र अतिविपन्न घर परिवारलाई बितरण हुनेगरी हस्तान्तरण गरीएको जिल्ला समन्वय समितिका प्रमुख तथा नेपाल कम्युनिष्ठ पार्टी नेकपा सचिवालयका सदस्य पुर्ण बहादुर रोकायाले बताए । उनले भने हामिले नगरका ४ हजार ६ सय २१ घरधुरी लाई राहत वितरण गरेका छौ ।
जिल्लाका नेता कार्यकर्ताहरुको चन्दा संकलन गरेर ८ लाख बरावरको नगरका १४ वटै वडाहरुमा राहत वितरण गरेको छायानाथ रारा नगरपालिका वडा नं २ का वडाध्यक्ष परेक लाल चौलागाईले जानकारी दिए । नेपाल सरकारले लागु गरेको लकडाउन लाई थप प्रभावकारी बनाउन गाउ गाउमा गई सचेतना मुलक कार्यक्रमहरु सञ्चालन गरिएको छ भने राहत वितरणमा नेकपा मुगु जिल्लाका नेता कार्यकर्ताहरुको व्यक्तिगत सहयोगमा क्रमश ः छायानाथ रारा नगरपालिकाका उपमेयर सुन्तला रोकाया , प्रतिनिधि सभाका सदस्य गोपाल बम , नेकपा समर्थक कार्यकर्ता , वडा अध्यक्ष , अन्य कार्यकर्ताहरुको लगानीमा राहत वितरण गरिएको रोकायाले बताए ।
सो राहतको क्रममा स्वतन्त्र विद्यार्थी युनियन मुगुले कोरोना भाईरस कोभिड १९ को बारेमा सचेतना फैलाई राहत वितरणमा सहयोग गरिएको अनेरास्ववियु मुगुका जिल्ला संयोजक गणेश सेजुवालले बताए । राहत वितरणमा प्रतिनिधि सभाका सदस्य गोपाल बम , जिल्ला समन्वय समितिका संयोजक पुर्ण ब. रोकाया , छायानाथ रारा नगरपालिकाका उपमेयर सुन्तला रोकाया, नेता जित बहादुर मल्ल , मंगल शाही , वडाका वडा अध्यक्ष लगायतको अन्य टोलीले राहत वितरण गर्नु भएको थियो ।
Discussion about this post