बाँके बैशाख १९ गते ।
नेपालगन्जको धम्बोझी मस्जिदको शंकास्पद व्यक्तिको रिपोर्ट नेगेटिभ आएको छ । एक्लैनीको फुलवारी मस्जिदमा ११ जना व्यक्तिको कोरोना जाँच गर्दा एकजनाको रिपोर्ट पोजेटिभ आएको छ, भने अर्का एक जना व्यक्तिको शंकास्पद रिपोर्ट आएको थियो ।
त्यही शंकास्पद व्यक्तिको पुनः स्वाव लिएर परीक्षण गर्दा नेगेटिभ रिपोर्ट आएको जिल्ला स्वास्थ्य कार्यालय, बाँकेका अधिकृत नरेश श्रेष्ठले जानकारी गराएका छन् । उक्त शंकास्पद रिपोर्ट आएका व्यक्तिलाई सदरमुकाम नेपालगन्जदेखि १२ किलोमिटर टाढा खजुरामा स्थापना गरिएको आइसोलेन वाडमा राखिएको बताएका थिए ।
जिल्ला स्वास्थ्य कार्यालय, बाँकेका श्रेष्ठले पुनः जाँच गर्दा उनको रिपोर्ट नेगेटिभ आएकाले अब उक्त शंकाष्पद व्यक्तिलाई क्वारेन्टाइनमा राखिने बताएका छन् ।उनले कोरोना बाट बाँके जिल्ला पनि अब अछुतो नरहेको भन्दै आफ्नो गाउँ ठाउमा त्यस्ती शंकाष्पद व्यक्ती भेटिएमा तुरुन्त चेकजाच गर्न लैजानको लागि जिल्लाबासी हरुलाई आग्रह समेत गरेका छन् ।
Discussion about this post