बाँके बैशाख २० गते ।
आफ्नो वडामा कोरोना संक्रमित पुष्टि भएपछि नेपालगन्ज उपमहानगरपालिका वडा नं. ८ लाई आज पुरै सेनिटाइज गरिँदै छ । शुक्रबार ६० बर्षिय पुरुषमा कोरोना संक्रमण पुष्टि भएपछि वडा नम्वर ८ मा उच्च सावधानी अपनाइएको छ ।
वडाअध्यक्ष सुरेन्द्र बैश्य गुप्ताले तत्काल वडालाई सेनिटाइज गरेर सुरक्षित गराउने प्रयास सुरु भइसकेका बताए । उनले भने, हामी उच्च सावधानीका साथ काम गरिरहेका छौं, आत्तिनु पर्दैन् तर सजगता अपनाउन जरुरी छ । उनले अनलाइन खोजखवर सँगको कुराकानीमा समस्या परे तत्काल आफुलाई सम्पर्क गर्न पनि अनुरोधन गरेका छन् ।
स्वाब संकलनमा स्वास्थ्यकर्मीसँग स्वयम अध्यक्ष पनि खटिएका छन् । संक्रमित व्यक्तिको परिवार र सम्पर्कमा भएकाहरुको विहानैदेखि स्वाब लिने काम भइरहेको छ । साना बालबालिकादेखि युवा र ज्येष्ठ नागरिकसम्मको स्वाब लिने काम भइरहेको छ ।
त्यसका लागि स्वास्थ्यकर्मीको टोली विहानैदेखि खटिएको स्वास्थ्य कार्यालय बाँकेका प्रमुख धिरजंग शाहले जानकारी दिए । करिव ८ सय घरधुरी रहेको वडा नम्वर ८ मा ५ हजारबढी जनसंख्या रहेको छ । संक्रमित व्यक्तिको हिष्ट्री लिने काममा प्रहरी पनि खटिएको छ ।
Discussion about this post