काठमाडौ वैशाख २० गते ।
विश्वव्यापी महामारी कोरोना भाइरसबाट संक्रमित हुनेको संख्या ३४ लाख नाघेको छ । यो समाचार तयार पार्दासम्म ३४ लाख १५ हजार मानिस संक्रमित भएका अन्तराष्ट्रिय समाचार एजेन्सीले बताएका छन । अहिलेसम्म झण्डै २ लाख ४० हजारको ज्यान गएको छ भने १० लाख ८७ हजार निको भएर घर फर्किएका छन ।
कोरोनाले सबैभन्दा धेरै संक्रमित अमेरिकामा छन । जहाँ ११ लाख ३१ हजार संक्रमित छन भने ६५ हजार ७ सय बढीको ज्यान गइसकेको छ । यस्तै इटालीमा २ लाख संक्रमित हुँदा २८ हजार मानिसको मृत्यु भएको छ । स्पेनमा २ लाख ३९ हजार संक्रमित हुँदा २४ हजार जनाको कोरोनाका कारण मृत्यु भएको छ ।
बेलायतमा १ लाख ७७ हजार संक्रमित छन । २७ हजार मानिसको ज्यान गएको छ । फ्रान्समा १ लाख ६७ हजार मानिस संक्रमित हुँदा २४ हजारको मृत्यु भएको छ । यस्तै जर्मनीमा १ लाख ६४ हजार, रुसमा १ लाख २४ र टर्कीमा १ लाख २२ हजार र हजार मानिस संक्रमित रहेका अन्तराष्ट्रिय सञ्चारमाध्यमले जनाएका छन । जर्मनीमा अहिलेसम्म ६ हजारको ज्यान जाँदा टर्कीमा ३ हजार र रुसमा १ हजार बढीको मृत्यु भएको छ ।
इरानमा ९४ हजार, ब्राजिलमा ८७ हजार र चीनमा ८२ हजार संक्रमित छन । ज्यान गुमाउनेमा इरानमा ६ हजार, ब्राजिलमा ६ हजार र चीनमा ४ हजार मानिस छन । दक्षिण एसियातर्फ भारतमा ३७ हजार संक्रमित हुँदा १२ सय २३ जनाको ज्यान गएको छ । पाकिस्तानमा १८ हजार संक्रमित हुँदा ४ सय १७ जनाको मृत्यु भएको छ । नेपालमा अहिलेसम्म ५९ जना संक्रमित हुँदा १६ जना उपचारपछि घर फर्किएका छन ।
Discussion about this post