जावेद अन्सारी
बाँके साउन २७ गते । मुस्लिम समुदायको दोस्रो महान चाड ‘बक्राईद’ धुमधामसाथ मनाइएको छ । मुस्लिम समुदायको महान चार्ड बक्राईद स्थानिय ईदगाहामा विहान ८ बजे नमाज पढेर मनाइएको छ ।
यस क्षेत्रको नै ठुलो ईदगाहमा मुस्लिम समुदायका धर्मलम्बीहरुको करिब १० हजारभन्दा बढीको भीडले शान्त वातावरणमा बक्राईदको नमाज पढी मनाएपछि एकआपसमा अंकमाल गर्दै मनाइएको थियो ।
बाँके जिल्ला क्षेत्र नं. २ बाट प्रतिनिधि सभा सदस्यमा निर्वाचित भई केन्द्रिय स्तरको मन्त्री हुन सफल भएका सहरी विकास मन्त्री मो. इस्तियाक राई समय पुर्व ईदगाहामा पुगेर बक्राईदको नमाज पढेर मुस्लिम समुदायको दोस्रो महान चाड मनाउनु भएको छ ।
करिब १० मिनेटको नमाज पछि सहरी विकास मन्त्री राईले हजारौं जनासँग अंकमाल गर्दै बक्राईदको शुभकामना आदान प्रदान गर्नु भएको थियो ।
सहरी विकास मन्त्री राईले नेपालगन्जका जनतालाई धेरै नै आश्वासन दिने र सबै एकपछि एक गर्दै पुरा भएको कारण चर्चित हुनुको साथै मन्त्री राईसँग कुबेरको खजाना भएको समेत अहिले चर्चा चल्न थालेको पनि छ । यस विषयमा मन्त्री राई भन्नुहुन्छ–‘म जे बोल्छु त्यो पुरा हुन्छ अनि मलाई खुशी लाग्छ । नेपालगन्जका जनताको लागि बोलेका कुरा भगवानको कृपाले अहिलेसम्म पुरा भएकै नै छ । नेपालगन्जका जनताका चाहना पुरा गर्नु नै मेरो प्रमुख लक्ष्य पनि हो । ’
धर्मको नाममा राजनीति गर्नु हुँदैन भनी अभिव्यक्ति दिने गरेका सहरी बिकास मन्त्री राईले ईदगाहामा कुरा गर्दै भन्नु भयो मेरो लागि सबै धर्म एक समान तथा सबै धर्मका मन्दिर, मस्जिद, गुरुद्वारा, बृद्ध धर्मको गुम्बा र चर्च लगायतको विकास हो भन्ने चाहना व्यक्त गर्नु भयो ।
बाँके जिल्लाको संघिय, प्रदेश र स्थानिय सरकारको सबैभन्दा कान्छो अर्थात उमेरमा सबैभन्दा सानो भएपनि सबैभन्दा चर्चित हुन पुगेका सहरी विकास मन्त्री राईलाई चर्चित हुनुको कारणबारे बुझ्दा उहाँ भन्नुहुन्छ–‘मलाई सबै वर्गको माया प्राप्त छ । सबै वर्गको मायाले गर्दा म यहाँसम्म पुगेका हो ।’
बाँके जिल्लामा यो भन्दा पहिला थुप्रा नेताहरु मन्त्रीदेखि प्रधानमन्त्री भएपनि सहरी विकास मन्त्री राईको स्थानिय जिल्लाबासीसँगको लगाव र विकास प्रेमी भएका कारण पनि अहिले सबै भन्दा बढी चर्चित र राम्रो स्वभावको मन्त्रीको रुपमा चर्चित हुन पुगेको अधिकांशले बताउने गरेका छन् ।
मुस्लिम समुदायको दोस्रो महान चाड ‘बक्राईद’ मा खसी कुर्बानी दिने चलन अनुसार कुर्बानी दिएपछि तिन भागमा बिभाजित गर्नु पर्ने तथा एक भाग गरिबलाई र एक भाग आफ्ना इष्टमित्र तथा एक भाग आफ्नो घरमा राख्नु पर्ने परम्परा छ । बक्राईद तिन दिनसम्म मनाउने चलन अनुसार सहरी विकास मन्त्री राई तिन दिनसम्म बक्राईदको चाड स्थानिय जनताको माझमा रही मनाउने बताइएको छ ।
मुस्लिम समुदायको दोस्रो महान चाड ‘बक्राईद’ मा सहरी विकास मन्त्री राईले नेपालगन्ज उपमहानगरपालिका मेयर डा. धवल सम्सेर राणा, प्रहरी प्रमुख विरबहादुर वली, सहायक प्रमुख जिल्ला अधिकारी लगायत सबैसँग अंकमाल गर्दै बक्राईदको शुभकामना आदान प्रदान गरेका थिए ।
मुस्लिम समुदायको दोस्रो महान चाड ‘बक्राईद’ मा नेपाल सरकारले सार्वजनिक विदा नदिएको अधिकांशले दुःख व्यक्त गर्दै सबै धर्मको महान चाडमा विदा दिनु पर्ने माग राख्दै प्रदेश नं. ५ को सरकारले प्रदेशमा विदा दिएको कारण प्रदेश नं. ५ का मुख्य मन्त्रीलाई धन्यवाद समेत दिएका थिए ।
मुस्लिम समुदायको दोस्रो महान चाड ‘बक्राईद’ मा जिल्ला प्रहरी कार्यालयका प्रमुख एवम् एसपी विरबहादुर वलीले कडा निर्देशन दिनुका बावजुद सुरक्षाको दृष्टिकोणले आफै नै ईदगाहा वरपर खटिएका पनि देखिन्थे ।
Discussion about this post