खोजखबर संवाददाता
बाँके साउन २७ गते । नेपालगञ्जको धम्वोझी चौक किनारमा राखीएको मोटर साइकल आइबार सम्साँझै चोरी भएको छ । लक गरेर हाम्रो मःम सेन्टर खाजा गएका बेला साँझ ६.३० बजे तिर पल्सर २२० को भे८ प ७८०४ न को मोटरसाइकल चोरी भएको हो । डुडुवा –५ डलैपुर निवासी विनोद परियारको सो मोटरसाईकल चोरेर खजुरा तर्फ गएको हाम्रो ममको सीसी टीभी क्यामेरामा देखीएको छ । परियारका अनुसार– सिसी फुटेज हेर्दा मधेशी अनुहारको किशोरले चावी(चोर) खोलेर बीना हेल्मेट मोटर साइकल प्रहरीकै अगाढीबाट पश्चिमतर्फ गएको देखीन्छ । एक वर्ष मात्र चलाएको सो बाइकको खोजीका लागि हिजोदेखि क्रियाशिल रहेपनि केही पत्ता नलागेको उहाँले बताउनु भयो । जिल्ला प्रहरी, ट्राफिक प्रहरीमा समेत खोजीका लागि निवेदन दिएका परियारले फेला पारेर खवर गर्नेलाई पन्ध्र हजार पुरस्कार दिने पनि घोषणा गर्नु भएको छ । चौकबाट दिन दहाडै मोटरसाइकल चोरी हुनुले प्रहरीले दिने सुरक्षा व्यवस्थामाथि नै प्रश्न चिन्ह खडा गरेको छ ।
Discussion about this post