फाइल फोटो
बाँके बैशाख ३१ गते ।
कोरोना (कोभिड–१९) संक्रमणको सन्त्रास बढीरहेका बेला भारतबाट नेपाल आउनेहरु पनि हवात्तै बढेका छन् । संक्रमण भित्रीन र फैलिन नदिन नेपाल सरकारले लकडाउन जारी राखेपनि पछिल्लो चरण भारतले नेपालीहरुलाई सीमासम्म पुुग्ने बातावरण बनाई दिएपछि दिनहु सीमा नाकाबाट भित्रीरहेका छन् ।
पछिल्लो दुई दिन श्रावस्ती र बहराइचमा रहेका नेपालीहरु नरैनापुर र डुडुुवा नाकाबाट प्रवेश गरेका छन् । स्थानीय प्रशासनले आउन खोज्नेहरुलाई नरोक्ने जनाएछि उनीहरुलाई नजीकका क्वारेन्टाइनमा व्यवस्थापन गरिएको छ । मंगलबार र बुधबार गरेर भारतबाट तीन सय ५० जना नेपाल भित्रीएका छन् ।
अझैं भित्रीने क्रम जारी छ । मुम्वई लगायत विभिन्न स्थानबाट आएकाहरु मध्य अधिकांस यस अघि क्वारेन्टाइनमा नबसेको पाइएको छ । नेपाल प्रवेश गरेकाहरुलाई विभिन्न विद्यालयमा राखीएको छ । उनीहरुको व्यवस्थापनदेखि परिक्षण सम्मको काम गर्न चुनौती भइरहेको नरैनापुर गाउापालिका प्रमुुख मो इस्तियाक अहमद शाहले जानकारी दिनुभयो ।
भारतमा रेल चलपेछि नेपालीहरु सहजै सीमासम्म पुग्ने गरेका छन् । नेपाल आएकाहरुको बेलैमा उचित व्यवस्थापन नगरिए थप जोखीम निम्तीने सम्भावना कायमै छ । बाँकेसँग जोडीएको बहराईच र श्रावस्तीमा मात्र ३ सय बढी नेपालीहरु अझैं क्वारेन्टाइनमा रहेको अनमान गरिएको छ । यस्तै बाँकेका विभिन्न क्वारेन्टाइनमा डेढसय बढी भारतीयहरु छन् ।
नेपाल र भारत सरकारले डेढ महिना अघि देखि नै लकडाउन गरेपनि भारतका विभिन्न स्थानबाट नेपाल आउने क्रम नरोकीएपछि यस अघि अधिकांसलाई उद्धार गरेर क्वारेन्टाइनमा राखीएको थियो । तर पछिल्लो समय नेपालमा पनि कोरोना संक्रमण देखीएपछि सीमावर्ती क्षेत्रबाट प्रवेश गर्न दिइएको थिएन तथापी जवरजस्ती नेपाल आउन खोज्नेहरुको संख्या सीमामा बढ्को थियो ।
भारत र नेपाल सरकारको भद्र सहमतीअनुसार ‘जो जहाँ छन् त्यहीं व्यवस्थापन गर्ने’ भनीएपनि भारतका विभिन्न स्थानबाट सयौं कीमी हिडेर नेपालीहरु सीमामा पुगेर अलपत्र भएका छन् ।
बुटवदेखि महाकालीसम्मको सीमाका विभिन्न स्थानमा पाच हजार नेपालीहरु वेजोग अवस्थामा रहेको पाइएको छ । सीमामा आइपुगेकाहरु मध्ये अधिकांस सडक, दशगजामै अलपत्र छन् भने कतीपय वगंैचा र विद्यालयमा वसीरहेका छन् ।
अलपत्र नेपालीहरु भन्छन् – सरकारले भनेको हामी मान्छौं तर विचल्ली नपारियोस् । सीमामा अलपत्र परेकाहरुको उद्धार र व्यवस्थापनका लागि सहजीकरण गर्दै आएको सम्वाद समूहले सीमामा अलपत्र परेकाहरुलाई क्वारेन्टाइनमा ल्याइनुपर्ने लगायतका सवालमा सम्वद्ध पक्षको ध्यानाकषर्ण गराउँदै आएको छ ।
Discussion about this post