काठमाडौं जेठ १ गते ।
प्रदेश २ र बागमती प्रदेश आउ(जाउ गर्ने प्रमुख नाका मकवानपुरको चुरियामाइ क्षेत्रमा चेक जाँच कडा बनाइएको छ । नाका सुरक्षाकर्मीहरु राखेर अत्यावश्यक सेवाका गाडीहरुलाई मात्र प्रवेश गर्न दिइएको छ । मकवानपुरका एसपी सुशील सिंह राठौरले प्रदेश २ मा कोरोना संक्रमित व्यक्तिहरु धेरै भेटिएकाले निगरानी जाँच कडा पारिएको बताए ।
मकवानपुर प्रदेश दुईसँग जोडिएको छ । प्रदेश २ मा कोरोना संक्रमितको संख्या बढ्यो । त्यसकारण चेकजाँचलाई कडा गराएका छौं । एसपी राठौरका अनुसार बिरामीहरु, बिरामी बोकेका एम्बुलेन्सहरु, अत्यावश्यक वस्तु र सेवाका गाडीहरुलाई मात्र सीमा नाका आउन दिइएको र अरुलाई फर्काउने गरिएको छ ।
मकवानपुरको हेटौंडा बागमती प्रदेशको राजधानीसमेत हो । यसअघि स्थानीय प्रशासनले बुधबादेखि पूर्वपश्चिम राजमार्ग हुँदै हेटौंडा भित्रने सवारी साधन र मानिस दुवैलाई रोक लगाउने निर्णय गरेको थियो । मकवानपुरमा बुधबारदेखि दैनिक उपभोग्य सामान बिहान ९ बजे सम्ममात्र बिक्री गर्न पाइने र मेडिकल, भेटेनरी तथा कृषि औषधि पसल सञ्चालनमा रोक नलगाउने निर्णय भएको छ ।
तरकारी उपयुक्त स्थान हेरी सहकारीको माध्यमबाट बिक्री गर्ने र बैकिङ कारोबार दैनिक बिहान १० देखि ३ बजेसम्म गर्न दिने निर्णय भएको छ ।
Discussion about this post