काठमाडौं जेठ ४ गते ।
धुलिखेल अस्पतालमा कोरोना सन्क्रमित देखिएकी सुत्केरी महिलाको निधन भएपछि सतर्कता अपनाइएको छ । धुलीखेल अस्पतालको ५ सय मिटर आसपासमा पनि मानिसलाई जान दिइएको छैन ।
अस्पतालसंगै ति महिलाको सम्पर्कमा रहेको घर र माइती गाउँ पनि सिल गरिएको छ । ति महिलाको धुलिखेल अस्पतालले गराएको पिसिआर परिक्षणमा रिपोर्ट पोजेटिभ देखिएको थियो ।
उनको गाउँ बाह्रबिसे नगरपालिका – ९ राम्चे हो भने माइती गाउँ बलेफी गाउँपालिका हो । बलेफीको ७ र ८ वडालाई सिल गरिएको सिन्धुपाल्चोकका सहायक प्रमुख जिल्ला अधिकारी बाबुराम खनालले पुष्टि गरेका छन् ।
धुलिखेल अस्पतालमा जस्तै उनको घर र माइती गाउँको वार्डका मासिनलाई वाहिर जान र वार्डमा प्रवेश गर्न दिईएको छैन साथै उक्त सुत्केरी महिलाको निधन पछि उच्च सतर्कता अपनाइएको छ।
सुत्केरीलाई भेट्न उनका माइती गाउँका आफन्त महिलाको घर गएका थिए । त्यसैले माइती गाउँलाई पनि सिल गरिएको हो । त्यसका लागि सेना पनि परिचालन गरिएको छ । माइती र घरको वडावाट मानिसलाई भित्र जान र वाहिर आउन नदिनका लागि प्रहरीलाई सेनाले सघाउने छ ।
जिल्ला कोभिड १९ विपद व्यवस्थापन केन्द्रको बैठकले यस्तो निर्णय गरेको हो । महिला गर्भजाँच गराएको र सुत्केरी पछि पनि स्वास्थ्य जाँच गराएको बाह्रबिसे प्राथमिक स्वास्थ्य केन्द्र पनि सिल गरिएको छ ।
१० दिन अघि शिक्षण अस्पतालमा सुत्केरी भएर घर गएकी महिलामा स्वास्थ्य समस्या देखिएपछि धुलिखेल अस्पताल लगिएको थियो ।
उनलाई स्वासप्रस्वासमा समस्या देखिएको र ज्वरो पनि आएको अवस्थामा अस्पताल लगिएको थियो । कोरोनाको लक्षण देखिएपछि स्वास्थ्यकर्मीले उनको स्वाव संकलन गरेर कोरोना परिक्षण गर्दा पोजेटिभ रिपोर्ट आएको हो । उनको उपचारमा संलग्न ३ जना स्वास्थ्यकर्मीलाई पनि आइसोलेसनमा राखिएको छ ।उनी जस्तै अरु कोहिले महामारी कोरोनाको कारण ज्यान गुमाउन नपरोस भनेर उच्च सतर्कता अपाउनु परेको खनालले बताए ।
Discussion about this post