बाँके जेठ ४ गते ।
नेपाल कम्प्युनिष्ट पार्टी बैजनाथ गाउँ कमिटिले रक्तदान कार्यक्रम सम्पन्न गरेको छ । बैजनाथ गाउँपालिका वडा नं. ४ मा नेपकाको दोस्रो एकता दिवस तथा मदन आश्रित स्मृति दिवसको अवसरमा आयोजित रक्तदान कार्यक्रममा एक सय ४६ जनाले रक्तदान गरेका छन् ।
साथै शनिबार बैजनाथको जी गाउँ स्थित प्रभात मा.बिमा गरेको रक्तदान कार्यक्रममा ८९ जनाले रक्तदान गरेका थिए । कोरोना भाईरसका कारण बाँकेमा रगत अभाव भएपछि रक्तदान कार्यक्रमको आयोजना गरिएको नेकपा बैजनाथ गाउँपालिकाका अध्यक्ष चन्द्र चौधरीले जानकारी दिएका छन् । साथै उनले नेकपा पार्टीको एकतालाई बलियो बनाउन सबै लाग्नुपर्ने बताउँदै रक्तदान गरी सहयोग गर्ने प्रति धन्यवाद व्यक्त गरेका छन् ।
रक्तदान कार्यक्रममा स्थानिय यूवा, अगुवा, राजनितिककर्मी लगाएतले रक्तदान गरेका थिए । रक्तदान कार्यक्रमको आयोजना नेकपा बैजानाथ गाँउपालिका कमिटि र राष्ट्रिय यूवा संघ बैजानाथको संयूक्त आयोजनामा भएको थियो ।रक्तदान कार्यक्रम सरकारले लगाएको लकडाउनको पालना गर्दै सामाजिक दुरि कायम राख्दै भिडभाड नगराई सम्पन्न भएको थियो।
Discussion about this post