बाँके जेठ ५ गते ।
बाँकेमा थप ४७ जनामा कोरोना संक्रमण पुष्टि भएको छ । एक महिलासहित ४७ जनामा कोरोना संक्रमित देखिएको हो । योसँगै बाँकेमा मात्र संक्रमितको संख्या ८१ पुगेको छ । त्यसमध्ये एकजनाको ज्यान गइसकेको छ । उनीहरु सबै नरैनापुर गाउँपालिकाका हुन् । स्वास्थ्य तथा जनसंख्या मन्त्रालयले केहीबेर अघि गरेको नियमित प्रेस ब्रिफिङमा नरैनापुरका आठ संक्रमितको कन्ट्रयाक्ट टे«सिङ गर्दा उनीहरुमा कोरोना देखिएको हो ।
शनिवार संकलन गरिएकोमध्ये २६२ स्वाबको भेरी अस्पतालमा गरिएको पिसिआर परीक्षणमा ४७ जनामा कोरोना पुष्टि भएको हो । २६३ जनाको स्वाब संकलन गरिएकोमा हिंजो एकजनाको रिपोर्ट भने पोजेटिभ आएको थियो । र, ति युवाको मृत्यु भइसकेको छ । आज नयाँ संक्रमित थपिएसँगै कोरोना भाइरसबाट नेपालमा ३५७ जना संक्रमित भएका छन् । भने दुईजनाको मृत्यु भएको छ ।
ADVERTISEMENT
Discussion about this post