बाँके जेठ १७ गते ।
बाँकेको नरैनापुरमा नेपाली सेनाले गस्ती गर्न थालेपछि अवस्था केही सामान्य बन्दै गएको छ। सेनानी सुरेशकुमार श्रेष्ठको कमाण्डमा ४५ जनाको टोली नरैनापुरमा बसेको छ।
गंगापुरको जयकिसन माविमा बसेको सेनाको टुकुडीले गस्तीलाई तीब्रता दिएको छ । नरैनापुरमा निषेधित क्षेत्र घोषणा पनि कायमै छ। कोरोनाको हटस्पट बन्दा स्थानीय त्रसित थिए। गाउँपालिकाका प्रमुखले प्रदेश र केन्द्र सरकारसँग ‘सुरक्षा बढाउन’ गुहार मागेका थिए।
वैशाख २ गते आठ जनामा कोरोना देखिँदा नरैनापुर झस्किएको थियो। त्यसपछि संक्रमितको संख्या बढेको बढ्यै भयो। एक सय १४ जना संक्रमित बने। एकजनाको मृत्यु भएपछि झन् त्रास बढायो।
त्यसमध्येमा तीन जनाले कोरोना जितेर फर्किदा स्थानीयले केही राहत महशुस गरेका छन्। पहिलो पटक संक्रमण देखिएका आठ जनालाई दाङको बेलझुण्डी कोरोना अस्पतालको आइसोलेसनमा लगिएको थियो।
तीमध्येमा शुक्रबार तीन जना कोरोना जितेर फर्किएका छन्। नरैनापुरमा अहिले भारतबाट आउनेको संख्या घटिरहेको गाउँपालिका अध्यक्ष इस्तियाक अहमद साहले बताए।
गाउँपालिकाको नाकाबाट भित्र्याउन रोकिएको छ। १३ वटा क्वारेन्टाइनमा एक सय ९४ जना बसेका छन्। सबैको पीसीआर जाँच गर्ने काम भइरहेको छ।
Discussion about this post