बाँके जेठ १८ गते ।
कोरोना भाइरस कोभिड १९ का कारण देश लकडाउन भएको छ । सबै तिर बन्द सुनसान हुदापनी तस्करी बढिरहेको पाइएको छ हुँदा लकडाउनको मौका छोपी सीमानाकामा हुनसक्ने आवञ्छित गतिविधीलाई दृष्टिगत गर्दै सशस्त्र प्रहरीले सतर्कता बढाएको छ ।
सीमा गस्तीमा तीब्रता दिएको सशस्त्र प्रहरीले ६० हजार मूल्य बराबरको पान बरामद गरेको छ । बीओपी कालाबञ्जरबाट सशस्त्र प्रहरी निरीक्षक गोरख भण्डारीको नेतृत्वमा गएको गस्ती टोलीले डुडुवा गाउँपालिका वडा नं. ६ स्थित हजरात सामुदायिक वनबाट दुई सय ढोली अर्थात् २० हजार पात पान बरामद गरेको हो ।
भारतबाट अवैधरुपमा नेपाल भित्र्याउन लागिएको उक्त पान आइतवार बिहान ६ बजे जंगलबाट बरामद गरिएको सशस्त्र प्रहरी निरीक्षक भण्डारीले जानकारी दिए । सशस्त्र प्रहरीको टोली देखेर तस्करहरु पान छाडेर भागेका थिए । बरामद गरिएको पान खाल्डोमा पुरेर नष्ट गरिएको भण्डारी ले बताए ।
उनले अहिले जस्तो संकटको अवस्थामा पनि कालोबजारी गर्ने गिरोहले कोरोनाको प्रवाह नगरी कालोबजारी गर्न तल्लिन रहेको ले सुरक्षाको दायरा बढाउदै सतर्कता अपनाउनु परेको बताए ।
Discussion about this post