बाँके जेठ १९ गते ।
अहिले देश संकटमा छ यस्तो बेला एकले अर्को लाई सहयोग गर्नु नै सबै भन्दा ठूलो मानवताको धर्म हो भन्ने सोचेर जनता दुग्ध उत्पादक सहकारी सस्था खजुराले क्वारेन्टिनमा बसेकाहरुलाई विहान दहि वितरण गरेको छ ।
खजुरा गाउँपालिका वडा नम्बर ३, ४ र ८ मा रहेका क्वारेन्टिनमा व्यवस्थापन गरिएकाहरु र व्यवस्थापन समिति, स्वयम सेवकहरुलाई सस्थाले प्रतिव्यक्ति १ पाउ पुग्ने गरि दहि वितरण गरेको सस्थाका व्यवस्थापक गौरब सापकोटाले जानकारी दिएका छन् ।
वडा नम्बर ४ मा ४ सय प्याकेट, ३ नम्बरको घिया मनकामना र ८ नम्बर वडाको रनियापुरमा ८० प्याकेट दहि उपलव्ध गराइएको व्यवस्थापक सापकोटाले बताएका छन । विहान वडा नम्बर ४ का चारवटै क्वारेन्टिनबाट वितरण सुरु गरेको दुग्ध सहकारीले सम्बन्धित वडा अध्यक्ष, क्वारेन्टिन व्यवस्थापन समितिका संयोजक तथा सदस्यहरुलाई हस्तान्तरण गर्दै वितरण गरेको थियो ।
दुग्ध उत्पादक सहकारी सस्थाले यसरी क्वारेन्टिनमै पुगेर दहि वितरण गर्दा क्वारेन्टिनमा बस्ने र व्यवस्थापन मिलाउनेलाई हौसला मिलेको वडा नम्बर चारका अध्यक्ष तिलकविर सुनारले बताएका छन । वडाध्यक्ष सुनारले आफ्नो वडाका जनतालाई सकेजति सुविधा दिने गरेको बताए ।
वडाध्यक्ष सुनार भन्छन,’चार वडा क्वारेन्टिन रहेको वडामा ३७० बढि भारत बाट आएका दाजुभाई दिदिबहिनीहरु हुनुहुन्छ, उहाँहरुकैलागी उचित व्यवस्थापन गर्न हामि दिनरात नभनि खटिरहेका छौ ।’ जनता दुग्ध उत्पादक सहकारीलाई निशुल्क दहि उपलव्ध गराएको भन्दै धन्यबाद ज्ञापन गरेका थिए ।
सहकारीले यस अघि पनि कोरोना भाइरस ९कोभिड १९० बाट पिडित बनेका खजुराका स्थानियहरुलाई राहत उपलव्ध गराउन गाउँपालिकालाई ५६ हजार १ सय रुपैया सहयोग गरिसकेको छ ।
Discussion about this post