जावेद अन्सारी
बाँके जेठ २४ गते ।
नेपालगन्ज उपमहानगरपालिकाका उपमेयर उमा थापा मगरले नेपालगञ्जको जमुनाह नाकामा स्थापना भएको ‘होल्डिङ सेन्टरको आज अनुगमन गर्नुभएको छ ।
भारतबाट आउनेको व्यवस्थापनको लागि सरकारले नै होल्डिङ सेन्टर स्थापना गर्न भनेपछी उपमहानगरपालिकाको व्यवस्थापन र प्लान इन्टरनेसनलको आर्थिक सहयोग बाके युनेस्को क्लब, साथी सस्थाको समन्वयनमा होल्डिङ सेन्टर स्थापना गरिएको थियो ।
नेपालगन्ज उपमहानगरपालिका सङ्गै जोडिएको जमुनाह नाकामा तीन दिनदेखी होल्डिङ सेन्टर स्थापना गरेर भारतबाट आउने नेपाली यात्रुको व्यवस्थापन राम्रो सङ्ग गरेको उहाँको भनाइ छ। उपमेयर थापाले भारत बाट नेपाल आउने यात्रुहरु सिमानामा पानी समेत खान नपाएर अलपत्र परेको बेला होल्डिङ सेन्टर स्थापनाले ठूलो सहयोग गरेको बताउनुभयो ।
अनुगमनका क्रममा उहाँले भन्नुभयो, होल्डिङ सेन्टर’ स्थापना भएपछि भारतबाट आएका यात्रुको व्यवस्थापन राम्रो हुन थालेको छ ।
जसले गर्दा विभिन्न जिल्लाबाट यात्रु लिन आएका सवारी साधनलाइ पनि यात्रु लैजान सहज भएको र भारतबाट यात्रु लिन आएका स्थानीय सवारी चालकलाई ‘सिमावर्ती बजार रुपैडिहामा जाँदा भारतीय प्रहरीले हेप्ने हुदा आवातजावत गर्न नेपाली सवारी चालक लाई समस्या पर्ने गर्थ्यो भने अहिले होल्डिङ सेन्टर स्थापना भएपछि केही सहज भएको छ ।
त्यस्तै पछिल्लो समय भारतका विभिन्न ठाउँबाट आएका यात्रुका लागि विभिन्न संघ सस्था को सक्रियतामा ‘होल्डिङ सेन्टर’ मा बाँके युनेस्को क्लब र प्लान इन्टरनेशनलको सहयोगमा प्याकिंग खानाको समेत व्यवस्था गरिएको साथै भारत बाट आउनेको मनमा कोरोनाको असर परेकोले सिमानामा साथी सस्थाको तर्फबाट मनोबिमर्षकर्ताहरुले उनिहरुलाई कोरोना बाट सुरक्षीत रहने के कस्तो क्रियाकलाप गर्नु पर्ने भन्दै सम्झाउने बुझाउने गरेका छन् ।
उहाँले यस्तो संकटको बेला नेपाल सरकार र स्थानिय सरकारले सुरुवात गरेको काममा साथ र सहयोग गरेको भन्दै प्लान इन्टरनेसनल नेपाल , बाँके युनेस्को क्लब , साथि सस्था लगायत विभिन्न सहयोगी हातहरुलाई धन्यवाद समेत दिनुभयो ।
Discussion about this post