बाँके जेठ २६ गते ।
बाँकेको त्रिभुवन चोकमा रहेको संगमरमर शिव मन्दिरको सौंदर्यीकरण सुरु भएको छ । क्षेत्र नम्बर २ बाट निर्वाचित सांसद मोहम्मद इस्तियाक राईको संसदीय कोषबाट शिव मन्दिरको सौंदर्यीकरण काम सुरु भएको पूर्व समाजवादी पार्टी बाँकेका अध्यक्ष कमरुद्दिन राईले बताए ।
कार्यक्रममा बोल्दै प्रदेश सभा सदस्य विजय यादवले एक महिना भित्र निर्माण सम्पन्न गर्ने गरी काम सुरु गरिएको बताए । उनले संसद विकासको रकमबाट मन्दिर व्यवस्थापनको काम भएको स्पष्ट पारे ।
उक्त शिलन्यास कार्यक्रममा बोल्दै जिल्ला समन्वय समितिका संयोजक अजय श्रीवास्तवले यसले मन्दिरमा पुजापाठ गर्नेहरुलाई सहज बनाउने बताए ।
कार्यक्रममा श्रवण कुमार यादव, बदरुद्दुजा खान, राजन रानामगर, रमारानी बैश्य, माजिद अलि शेखलगायतको उपस्थिति रहेको थियो ।
संसद विकास कोषको करिव १० लाखको लागतमा मन्दिर सौन्दर्यकरणको काम सुरु भएको छ । पूर्वमन्त्री राईले आफ्नो संसद विकासको रकमबाट निर्वाचन क्षेत्रका विभिन्न कार्यक्रम गर्दै आएका छन् ।
Discussion about this post