काठमाडौं जेठ ३० गते ।
सरकारले आगामी असार १ गतेबाट लकडाउन केही खुकुलो बनाएपनि केही क्षेत्रको लकडाउन भने यथावत रहेको जनाएको छ ।
जिमखाना, सपिग मल, समूहमा खेलिने खेलमैदान र प्रस्तुतीहरु र सबै प्रकारका धार्मिक तथा सामाजिक स्थलहरु र क्वारेन्टाइनका लागि तोकिएका बाहेकका होटल खोल्न नपाइने प्रवक्ता सञ्चार तथा सूचना प्रविधि र अर्थमन्त्री डा . युवराज खतिवडाले जानकारी दिए ।
यस्तै यात्रुबहाक सार्वजनिक सवारी साधन र काठमाडौ उपत्यकाको हकमा उपत्यका भित्र र अन्य जिल्लाको हकमा सोही सम्बन्धीत जिल्लामा मात्र जोरविजोर प्रणालीमा सञ्चालन हुने निजी सवारी साधन बाहेकका अन्य निजी सवारी साधनहरु हाल सञ्चालनमा नपाइने उनले बताए ।
तत्कालन नखुल्ने १३ वटा क्षेत्र
शैक्षिक संस्था, विद्यालय, विश्वविद्यालय, ट्युसन सेन्टर र तालिम केन्द्र,
अनुमति प्राप्तबाहेक आन्तरिक र अन्तर्राष्ट्रिय उडान,
तोकिए बाहेकका अन्तराष्ट्रिय सीमा नाकाबाट हुने आवतजावत,
सबै प्रकारका तालिम, गोष्ठी, सभा र सेमिनार,
सबै प्रकारका प्रदर्शन भेला र सम्मेलन,
सिनेमाहल, पार्टी प्यालेस, डान्स बार लगायतका मनोरञ्जनस्थल,
सार्वजनिक पुस्तकालय, संग्रहालय, चिडियाखाना, सैलुन र ब्युटीपार्लर,
स्विमिङ पुल, जिमखानालगायत हेल्थ क्लब,
सपिङ महल,
समूहमा खेलिने खेलकुद र खेलमैदानमा हुने प्रस्तुति,
सबै धार्मिक तथा सार्वजनिक स्थलहरु।
Discussion about this post