बर्दिया जेठ ३० गते ।
बर्दियाको बढैयाताल गाउँपालिकाले कोरोना भाइरस सङ्क्रमणका कारण मृत्यु भएका व्यक्तिको परिवारलाई राहत दिने निर्णय गरेको छ ।
कोरोना भाइरस सङ्क्रमण रोकथामलाई थप प्रभाकारी बनाउन पालिकाले उक्त निर्णय गरेको बढैयाताल गाउँपालिका अध्यक्ष लालबहादुर श्रेष्ठले बताए ।
कोरोना भाइरस रोकथाम नियन्त्रण गर्न अग्रपङ्क्तिमा खटिएका जनप्रतिनिधि, पालिकाले खटाएका कर्मचारी, स्वास्थ्यकर्मी, शिक्षक र पालिकाबाट खटाइएका व्यक्तिको सङ्क्रमणका कारण मृत्यु भएमा परिवारलाई राहतस्वरुप रु २० लाख उपलब्ध गराउने निर्णय भएको उनले जानकारी दिएका छन् ।
साथै वढैयाताल गाउँपालिकामा स्थाइ बसोवास गरेका व्यक्तिहरुलाइ कोरोना भाइरस सक्रमणका कारण निधन हुन गएमा गाउँपालीकाले राहत स्वरुप ५ लाख उपलब्ध गराउने निर्णय गरेको अध्यक्ष श्रेष्ठले जानकारी गराएका छन् ।
कोरोना भाइरस सङ्क्रमण भएको व्यक्तिको उपचार पनि पालिकाले नै गर्ने निर्णय भएको अध्यक्ष श्रेष्ठले बताए । बढैयाताल गाउँपालिका हालसम्म चार कोरोना भाइरस सङ्क्रमित छन् ।
जिल्लामा ६० कोरोना भाइरस सङ्क्रमित रहेकामा छ जना निको भएर घर फर्किसकेका छन् ।
Discussion about this post