दाङ असार २ गते ।
साच्चै प्रेममा दम हुन्छ अनि प्रेम गर्ने जोडिलाई कसैले रोक्न छेक्न सक्दैन भन्ने जस्तै दाङमा क्वारेन्टाइनमा बसेका युवायुवतीले विवाह गरेका छन् । घोराही उपमहानगरपालिका १८ मा रहेको बेलघारी क्वारेन्टाइनमा प्रेममा रहेका एक जोडीले विवाह गरेका हुन् ।
घोराही उपमहानगरपालिका १८ का२३ बर्षिय समीर वली र तुलसीपुर उपमहानगरपालिका वडा नम्बर ५ की २१ बर्षिय सीता चौधरीले क्वारेन्टाइनमै वडाअध्यक्षको रोहबरमा विवाह गरेका हुन् ।
उनीहरु भारतको दिल्लीबाट आएर क्वारेन्टाइनमा बसेका थिए । भारतबाट आउँदा देखी नै प्रेममा रहेका उनीहरुले क्वारेन्टाइनमा नै विवाह गरेका हुन् ।
क्वारेन्टाइनमा बसेका नवविवाहित जोडीको कोरोना रिपोर्ट नेगेटिभ आएको बताइएको छ । रिपोर्ट नेगेटिभ आएसङ्ग बिबाह गरेका जोडि हरु खुसी हुदै क्वारेन्टाइन मै बिहे गर्ने वातावरण मिलाइदिएको मा वडा अध्यक्ष लगायत सम्पुर्ण टिमलाइ उनिहरुले धन्यवाद दिएका छन् ।
Discussion about this post