कृष्णा यादब
विरगञ्ज असार ५ गते ।
पर्सा प्रहरीले लागुऔषध ईन्जेक्सन र गाँजा सहित ४ जनालाई पक्राउ गरेको छ । लागुऔषध घरमा खरिद बिक्रि गरिरहेको विषेश सुचनाको आधारमा जिल्ला प्रहरी कार्यालय पर्साका क्राइम ब्रान्चका इन्चार्ज प्रहरी निरीक्षक रविभूषण यादवको नेतृत्वमा गएको टोलीले पक्राउ गरेको हो ।
बिरगञ्ज वडा नम्बर १५ ब्रहमचौकमा विभिन्न सवारीसाधन चेक जाँच गर्दा ना ५ ख ९१६४ नम्बरको ट्रकबाट अबैध लागु औषध गाँजा १ किलो फेला परेको प्रहरी ले जनाएको छ ।
पक्राउ परेका ट्रक चालक जिल्ला मकवानपुर हेटौडा उपमहानगरपालिका-११ बस्ने दिनुप बर्तौला र सहचालक राजिव बानिया सहित ट्रकलाई नियन्त्रणमा लिएको पर्सा प्रहरी प्रमुख प्रहरी उपरीक्षक गंगा पन्ते जानकारी दिइन् ।
त्यसैगरि पर्सा प्रहरीले बिरगञ्ज वडा नम्बर १५ स्थित नेशनल मेडिकल कलेजतर्फ साईकल चलाएर आउँदै गरेको जिल्ला पर्सा बि.म.न.पा.वडा नम्बर १५ बस्ने बर्ष २३ को अयस कुमार सिँह र ऐ.ऐ.बस्ने बर्ष १९ को अरुण सिँहलाई शंका लागी चेकजाँच गर्दा लागू औषध सहित पक्राउ गरेको छ । पक्राउ परेका तरकारीको झोलामा लुकाई छिपाई राखि ल्याएको लागुऔषध ईन्जेक्सन नुर्फिङ ४१६ ,डाईजोपाम ४१७ र फेनारगन ४१७ एम्पुल गरि जम्मा १२५० एम्पुल लागुऔषध फेला परेको प्रहरीले जानकारी दिए ।
ट्रक र साईकल सहित निजहरुलाई नियन्त्रणमा लिई थप अनुसन्धान भईरहेको प्रहरी उपरीक्षक पन्तले बताइन ।
Discussion about this post