एजेन्सी
काठमाडौं असार २२ गते ।
साउदी अरेबियामा कोरोना भाइरसको संक्रमित हुने घटना २ लाख भन्दा बढी पुगेको छ । छिमेकी देश युएईमा संक्रमितको संख्या बढेर ५० हजार पुगेको छ। गत महिना अरबको ति दुई ठूला अर्थतन्त्रहरूमा लकडाउन पूर्णरूपमा हटाइएको थियो। लकडाउन सम्बन्धी बन्देज दुबै देशहरुमा १५ मार्चको आसपासमा लागू गरिएको थियो ।लकडाउन बिस्तारै हटाउने निर्णय गरियो र व्यवसाय र सार्वजनिक ठाउँहरू फेरि खोलियो । यद्यपि कुवेतमा आंशिक कर्फ्यू जारी राख्ने निर्णय गरिएको छ ।
बहराइन र ओमानमा त्यस्तो कुनै प्रतिबन्ध लगाइएको थिएन। खाडी देशहरूमध्ये साउदी अरेबिया सबैभन्दा बढी कोरोना संकटबाट प्रभावित छ। शुक्रबार साउदी अरेबियामा आइतबार कोरोना संक्रमणको ४ हजार १ सय घटनाहरू रिपोर्ट गरिएको थियो । त्यहाँ शनिबार कोरोना संक्रमणको संख्या बढेर २ लाख ५ हजार ९ सय २९ पुगेको छ । सउदी अरेबियामा कोरोना महामारीको कारण १ हजार ८ सय ५८ मानिसको मृत्यु भएको छ ।
लगभग १५ जुनको आसपास साउदी अरेबियामा दैनिक कोरोना संक्रमण हुने घटनाहरू रिपोर्ट गरिएको थियो । उक्त रिपोर्टका अनुसार संक्रणमा गिरावट आएको देखिएको छ ।युएईमा मेको अन्त्यमा दैनिक ९ सय कोरोना संक्रमणको रिपोर्ट भइरहेको थियो तर पछिल्लो समयमा त्यो तथ्यांक झन्डै ३ सय देखि ४ सय सम्ममा झर्न थाल्यो। तर शुक्रबार युएईमा कोरोना संक्रमणको ६ सय र शनिबार ७ सय भन्दा बढी घटनाहरू रिपोर्ट गरिएको थियो। त्यहाँ, कोरोना संक्रमितको संख्या ५० हजार ८ सय ५७ रहेको छ । त्यस्तै ३ सय २१ व्यक्तिको मृत्यु भएको छ ।युएईको प्रमुख व्यापारिक केन्द्र दुबईमा जुलाईदेखि विदेशी पर्यटक प्रवेश गर्ने अनुमति दिइनेछ।
कोरोना भाइरबाट खाडी क्षेत्रमा दोस्रो सबैभन्दा बढी प्रभावित देश कतार हो। मेको अन्ततिर दैनिक करिब २ हजार घटनाहरू रिपोर्ट भइरहेको थियो । तर यस शनिबार यो संख्या ५ सयको आसपास झरेको छ। कतारमा संक्रमित कोरोनाको कुल संख्या एक लाखको नजिक पुगेको छ। अर्कोतर्फ, ओमानका स्वास्थ्यमन्त्रीले बिहीबार भनेका छन्, विगत ६ सातादेखि देशभरि कोरोना संक्रमणको घटना द्रुत गतिमा बढेको छ ।
उनले मानिसहरूलाई स्वास्थ्य सावधानी अपनाउन अपील पनि गरेका छन। इरान मध्य पूर्वमा कोरोना महामारीले सबैभन्दा बढी प्रभावित देश हो।
Discussion about this post