बाँके असार २६ गते ।
बिश्व जगत कोरोनाले थिलो थिलो परिरहेको बेला नेपाल पनि यस पीडा बाट अछुतो नरहेको बेला एक ले अर्को लाई सहयोग गरेर मित्रता को पहिचान जोगाउने बेला भारतीय संचार माध्यमले नेपालको बिषयमा अनर्गल कुरा बोल्नु उपयुक्त होइन यसको प्रेस संगठन घोरभत्सर्ना गर्दछ ।
प्रेस संगठन बाँकेले भारतीय संचार माध्यमहरु बहिस्कार गरि नेपाली च्यानललाई हेर्न जिल्लावासीलाई आह्वान गरेको छ । बिहिबार एक विज्ञप्ती जारी गर्दै प्रेस संगठन बाँकेले नेपालका प्रधानमन्त्री र चिनियाँ राजदुतबिचको सम्बन्धका बारेमा गरीएको अनर्गल प्रचारबाजीको निन्दा गर्दै त्यस्ता संचारमाध्यम बहिस्कार गर्न प्रेस बिज्ञपति मार्फत अपिल गरेको हो ।
प्रेस संगठन बाँकेका संयोजक डक्ट प्रसाद धिताल र सहसंयोजक हेमन्त विकद्धारा संयुक्त रुपमा जारी गरीएको विज्ञप्तीमा दुई देश बिचको कुटनितिक तथा जनताबिचको सम्बन्धमा समेत दरार उत्पन्न हुने गरी प्रशारण गरीएका समाचारको खण्डन गर्दै प्रशारण रोक्नकालागि कुटनितिक कदम चाल्न नेपाल सरकारको ध्यानाकर्षण समेत गराउदै संगठनले प्रेस बिज्ञपति निकालेको उल्लेख गरिएको छ।
Discussion about this post