काठमाडौं साउन १ गते ।
सरकारले लकडाउन सुरु भएपछिको शुल्क उठाउन नदिएपछि निजी विद्यालयहरुले आफूहरुले सञ्चालन गर्दै आएको अनलाइन र दूरशिक्षा कक्षा बन्द गर्ने निर्णय गरेका छन् । शुल्क उठाउन पाउनुपर्ने माग गर्दै आएका उनीहरुको माग सरकारले अस्वीकार गरेपछि अनलाइन र दूरशिक्षा बन्द गर्ने निर्णय गरेका हुन् ।
निजी विद्यालयहरुका दुई संगठनहरु प्याब्सन, एनप्याब्सनले बिहीबारदेखि देशभर अनलाइन र दूरशिक्षाको पठनपाठन रोक्ने निर्णय गरेका हु्न । उनीहरुले संयुक्तरुपमा जारी गरेको विज्ञप्तिमा विद्यालय सञ्चालन गर्न आर्थिक र व्यवसायिक संकट परेको कारण देखाएका छन् । साथै, उनीहरुले शिक्षक, कर्मचारीलाई समेत बेतलबी घर बिदामा राख्ने निर्णय पनि गरेका छन् ।
सरकार सुरु गरेसँगै निजी विद्यालयहरुले पनि अनलाइन, रेडियो र टेलिभिजनमार्फत वैकल्पिक शिक्षा सुरु गरेका छन् ।
निजी विद्यालयहरुले विद्यार्थी भर्ना गरेर वैकल्पिक कक्षाको न्युनतम शुल्क लिनु पाउनुपर्ने अडान राखेका थिए ।
तर त्यसको अभिभावकदेखि विद्यार्थी संगठनसम्मले विरोध जनाएपछि विरोध जनाएका थिए । शिक्षा मन्त्रालय पनि शुल्क नउठाउन पटक पटक उनीहरुलाई सचेत गराएको थियो ।
मन्त्रालयले आफ्ना मागहरुलाई बेवास्ता गरेका कारण विद्यालय बन्द गर्ने र शिक्षक तथा कर्मचारीलाई बिदामा पठाउने निर्णय लिनुपरेको निजी विद्यालयका संगठनहरुको भनाई छ ।
Discussion about this post