मुक्ति न्यौपाने
पाल्पा साउन ३ गते ।
सिद्धार्थ राजमार्गको तानसेन—बुटवल सडकखण्डको तानसेन नगरपालिका—८ गौडेपुल नजिकै पहिरो खस्दा सडक अवरुद्ध भएको छ । बिहिबार राती १०ः३० बजे गौडे पुल नजिकै पहिरो खस्दा सडक बनेको हो ।
पहिरो खसेको स्थानमा फसेको लु १ क ११७५ नम्बरको ट्रक पूनः पहिरो आइ पुरिएको जिल्ला प्रहरी कार्यालयका प्रहरी नायब उपरीक्षक मदन गिरीले बताए । उनले पहिरो खसेको स्थानमा रहेका ट्रक बचाइ ब्याक गर्ने क्रममा नालामा फसेको अवस्थामा पुरिएको बताए ।
सो क्रममा कुनै मानवीय क्षती भए नभएको यकिन भएको छैन । ट्रक पुरिएको अवस्थामा पछाडीको अलिकति भागमात्र देखिएको प्रनाउ गिरीले बताए । उनी भन्छन्, ‘सडक सुचारु गर्नको लागि दुईतर्फबाट जेसिबी लगाउने तयारीमा छौं । सडक सुचारु हुन ४÷५ घण्टा निरन्तर काम गर्दा पनि लाग्न सक्छ ।’
माथिल्लो भागबाट निरन्तर ढुंगासहितको पहिरो खसेकाले डोजर लगाउन सडक सुचार गर्न केही समय लाग्ने भएको छ । बिहिबार पनि पहिरो सफा गरेको र यो पहिरो खस्ने क्रम नरोकिएकोले जोखिम भने कायमै रहेको जिल्ला प्रहरी कार्यालयले जनाएको छ ।
उनले भने, ‘दुई सय मिटर माथिदेखि ढुंगा, गिट्टीसहितको पहिरो खसेको छ । पानी पर्नासाथ फेरि खस्ने जोखिम कायमै छ ।’ राजमार्गको डुम्रे गौडेपुल नजिकैको भीरबाट बुधबार पनि पहिरो खसेर बिहिबार पनि सडक अवरुद्ध भै साँझमात्र सञ्चालनमा आएको थियो ।
बुटवलबाट पाल्पातर्फ आउँदै गरेका यात्रु इश्वर काफ्लेले जतिबेला पनि पहिरो खस्ने जोखिम कायमै रहेको र पहिरो सफा गर्न २ दिन लाग्न सक्ने देखिएकोले आफूहरू बुटवलतर्फ नै फर्किएको बताए ।
‘नदेखिने गरी माथिल्लो भागबाट पहिरो खसेको छ,’ उनले भने, ‘पानी पर्ने हो भने यहाँको यात्रा कठिन हुनसक्छ ।
Discussion about this post