बाँके साउन ६ गते ।
कोहलपुर नगरपालिकाका एक ब्यवसायीले कोभिड १९ का कारण भएको लकडाउन अवधिभरको घरभाडा नलिने भएका छन् ।
होटेल ब्यबसायी संघ बाँके, कोहलपुरका कोषाध्यक्ष समेत रहेका मोहन रिजालले आफ्नो घरमा भाडामा बस्दै आएका परिवारलाई लकडाउन अवधि भरी (४ महिना) को भाडा छुट दिएको आज एक कार्यक्रम बिच घोषणा गरेका हुन ।
कोहलपुर नगरपालिका वडा नं. २ मा बस्दै आएका रिजालको घरमा होटेल ब्यबसाय र किराना पसल संचालन गर्दै आएका ब्यवसायीहरुले ४ महिनाको घरभाडामा छुट पाएका हुन ।
होटेल ब्यबसायी संघ बाँके, कोहलपुरले लकडाउन खुकुलो भएसङ्गै राखेको एक कार्यक्रममा उनले अहिले लकडाउनको कारण व्यापार व्यवसाय ठप्प भएको हुँदा धेरैलाई समस्या परेको हुदा यो बेला हुने खानेले हुँदा खानेलाई सहयोग गर्नु पर्छ भन्ने सोच बनाएर आफुले लकडाउन अबधी भरिको पुरै घरभाडा स्वतस्फुर्त रुपमा छुट गरेको होटेल व्यवसायसंघका महासचिव खेमराज शर्माले जानकारी दिएका छन् ।
उनले रिजालले आफ्नो घरभाडामा बस्नेलाई भाडा छुट गरेर उदाहरणीय कार्य गरेको भन्दै संघका तर्फबाट उनलाई धन्यवाद प्रकट गरेको बताए।
Discussion about this post