बाँके साउन १६ गते ।
राष्ट्रिय समाजवादी पार्टी बाँकेले जिल्लामा आम सर्वसाधारणको समेत कोरोना संक्रमण जाँच गर्न माग गरेको छ । पिसिआर प्रबिधिबाट हुने कोरोना जाँचमा पहुँचवालाको मात्र सहभागिता देखिएकाले आम सर्वसाधारणको समेत सहभागिता गराई परीक्षण गर्नुपर्ने सो पार्टीको माग छ ।
जिम्मेवार व्यक्तिहरुको गल्तीका कारण कोरोना संक्रमण समुदायसम्म फैलिएकाले पहुँच नभएका व्यक्तिहरुको समेत पिसिआर प्रबिधिबाट कोरोना संक्रमणको जाँच हुनुपर्ने भन्दै शुक्रबार पार्टीले बाँके प्रशासनमा ज्ञापनपत्र बुझाएको छ । बाँकेका प्रमुख जिल्ला अधिकारी रामबहादुर कुरुम्वाङलाई ज्ञापनपत्र बुझाउँदै जाँचका लागि आवश्यक पहल गर्न गराउन अनुरोध गरेको पार्टीका नेता राम कुमार दिक्षितले जानकारी दिनुभयो ।
माग पत्रमा मुस्लिम समुदायको शनिबार परेको बकरीद पर्वमा सामुदायिक दुरी कायम गर्दै नमाज पढ्ने र हिन्दु समुदायको रक्षाबन्धन पर्वमा दुबैतर्फको सीमावती क्षेत्रमा रहेका आफन्तहरुलाई आउन जानका लागि सहज बनाउन पहल गरिदिन आग्रह गरिएको छ ।
Discussion about this post