बाँके भदौ ५ गते ।
बाँके र बर्दियामा थप २२ जनामा कोरोना संक्रमण पुष्टि भएको छ । भेरी अस्पताल नेपालगन्ज प्रयोगशालामा पछिल्लो २४ घण्टामा ३ सय ५० नमुना परीक्षण गरिएकोमा बाँकेका १६ र बर्दियाका ६ जना गरी २२ जना थपिएका जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिनुभयो ।
उहाँका अनुसार, शुक्रबार नेपालगन्जका १३ जना, राप्तीसोनारीका २ र कोहलपुरका एकजनामा भाइरस संक्रमण पुष्टि भएको छ । नेपालगन्ज मेडिकल कलेजबाट लिएको नमुनामा ६ जनामा संक्रमण देखिएको छ । त्यस्तै नेपाल बैंक लिमिटेड र सांग्रीला बैंकका कर्मचारीलाई पनि कोरोना भाइरस संक्रमण देखिएको छ ।
बाँकेमा संक्रमितको संख्या अव ८ सय ३ पुगेको छ । त्यस्तै संक्रमण जितेर घर फर्किनेको संख्या भने ५ सय ४७ रहेको छ । बर्दियाका शुक्रबार थपिएका संक्रमित सबै बासगढी नगरपालिकाका हुन् ।
बासगढी नगरपालिका ३ का ४ जना र वडा नं. २ र ९ का एकएक जनामा पोजेटिभ देखिएको हो ।
Discussion about this post