बाँके भदौ ५ गते ।
बाँकेमा ठूलो परिमाणको लागुऔषध ब्राउन सुगरसहित ३ जना प्रहरीको फन्दामा परेका छन् । नेपालगञ्ज उपमहानगरपालिका वडा नं. २ सुनारमण्डी बस्ने ४६ वर्षीय साविर अली सिद्दिकी, भट्टी टोल बस्ने ३० वर्षीय सोनु खान र इन्तियाज शेष ५ ग्राम ५ सय मिलीग्राम लागुऔषध ब्राउन सुगरसहित पक्राउ परेका बाँके प्रहरीका प्रवक्ता एवं प्रहरी नायब उपरीक्षक सुवास खडकाले जानकारी दिए ।
गोप्य सूचनाको आधारमा जिल्ला प्रहरी कार्यालय बाँकेबाट खटिएको प्रहरी टोलीले तीनै जनालाई शुक्रवार ५४ वटा पुडियामा राखेको उक्त लागुऔषधसहित पक्राउ गरेको हो । पक्राउ परेकाहरुमाथि थप अनुसन्धान भईरहेको प्रहरीले जनाएको छ । यस्तै भन्सार छली भारतबाट ल्याइएको विभिन्न कम्पनीका २५ थान मोवाइल सेट बाँके प्रहरीले बरामद गरेको छ ।
नेपालगञ्जको धम्बोझी चोकमा बेवारिसे अवस्थामा फेला परेको करीब ५ लाख ५ हजार मूल्य बराबरको उक्त मोवाइल सेट आवश्यक कारबाहीका लागि नेपालगञ्ज भन्सार कार्यालयमा बुझाइएको प्रहरी नायब उपरीक्षक खडकाले जानकारी दिए ।
Discussion about this post