ताहिर शेषराई (साहिल)
बाँके भदौ ७ गते ।
बाँके युनेस्को क्लबले भारतबाट स्वदेश फर्किएका २५ हजार जना भन्दा बढि नेपाली नागरिकलाई जमुनाहा नाकामा तयारी खाना, पानी र मास्क आइतबार वितरण गरेको छ ।
प्लान इन्टरनेशनल नेपालको आर्थिक सहयोग र नेपालगन्ज उपमहानगरपालिकाको समन्वय तथा नेपाली सेना, शसस्त्र प्रहरी तथा नेपाल प्रहरीको सहकार्यमा गत जेष्ठ २२ गतेबाट नाकामा सञ्चालन गरिएको तयारी खाना, पानी तथा मास्क वितरण कार्यलाई आइतवार समापन गरिएको छ ।
बाँके युनेस्को क्लबका कार्यकारी निर्देशक रवि तुलाधरले समापन कार्यक्रममा बोल्दै गत १ दिनको अवधीमा भारतबाट फर्किएका २५ हजार १२ जना नेपाली सर्वसाधारणलाई जमुनाहा स्थित होल्डिंग सेन्टरमा तयारी खाना, पानी तथा मास्क वितरण गरिएको जानकारी गराउनु भयो ।
उहाँका अनुसार शुरुमा एक महिनाका लागि मात्र वितरण गर्ने लक्ष्य राखिएपनि त्यस पश्चात स्थानीय प्रशासन र उपमहानगरपालिकाको आग्रहमा समय थप गरिएको हो । सो वितरण कार्यक्रमको समापन गर्दै नेपालगञ्ज उपमहानगरका उपप्रमुख उमाथापा मगर , प्लान नेपाल र सीमा नाकाको समस्या पनि अझै केही समय यथावत रहने जनाउँदै थप सहयोगका लागि पनि दुबै संस्थालाई अनुरोध गर्नुभयो ।
उपप्रमुख उमा थापा मगरले नेपालगञ्जमा बनिरहेको आइसोलेसन अस्पतालका लागि सहयोग गर्न पनि सो अवसरमा आग्रह गर्नुभयो ।
Discussion about this post