कोरोनाको कहरमा उत्कृष्ट काम गर्ने तिन प्रहरी पुरस्कृत

बाँके भदौ ८ गते ।
नेपालगन्ज । कोरोनाको कहरमा पनि आफ्नो रहर मारेर देश र जनताको सेवामा तल्लिन रहेको भन्दै जिल्ला प्रहरी कार्यालय बाँकेले साउन महिनाभरी उत्कृष्ट काम गर्ने तिन प्रहरीलाई पुरस्कृत गरेको छ ।

आईतबार बाँकेका प्रहरी प्रमुख एसपी ओमबहादुर रानाले कोरोनाकालमा समेत अग्रमोर्चामा रही उत्कृष्ट कर्तब्य निर्वाह गर्ने प्रहरी नायव निरीक्षक अनुरुप यरी, प्रहरी जवान सन्तोष पौडेल र प्रहरी जवान देबेन्द्र हमाललाई पुरस्कृत गरेका हुन ।

उनिहरुमध्ये प्रहरी जवान हमाल ‘पुलिस अफ द मन्थ’ बाट सम्मानित भएका हुन । हमाललाई कदरपत्र सहित अभिलेखमा उल्लेख हुने गरी ‘पुलिस अफ द मन्थ’ घोषित गरिएको हो । साउन महिनामा उत्कृष्ठ काम गर्ने कर्मचारीमध्ये उनी साउन महिनाको ‘पुलिस अफ द मन्थ’ घोषित भएका हुन् ।

विभागीय मूल्य मान्यता, आदेश निर्देशनको अक्षरस पालना गरी व्यवसायिक, लगनशिल, ईमान्दार र कर्तव्यनिष्ठ तवरले कर्तव्य पालनामा तल्लिन रहि उच्च मनोवलका साथ तोकिएको जिम्मेवारी अनुसार कुशल भूमिका निर्वाह गरेको भन्दै बाँके प्रहरीले उनीहरुलाई सम्मान गरेको हो ।