ताहिर शेष राई (साहिल)
बाँके भदौ १४ गते ।
इस्लाम धर्मवलम्बिहरुको मोहरर्म पर्व सामाजिक सुरक्षालाई मध्येनजर गर्दै नेपालगन्ज लगायत विभिन्न स्थानमा ताजिया बिसर्जन कार्य आज सम्पन्न भएको छ ।
बिगत लामो समय देखि बिश्वभरी कोभिड-१९ अर्थात कोरोना भाइरसको महामारी फैलिएपछि बर्षौ देखि नेपालगन्जमा मुस्लिम धर्मावलम्बीले मनाउँदै आएका मोहरर्म पर्ब यसपटक कोभिड-१९ महामारीको जोखिमलाई मध्यनजर गर्दै सरकारले लगाएको नियम पूर्ण रुपमा पालना गरि आइतबार ताजिया बिसर्जन गरिएको हो ।
सद्भाव र जातीय भाईचाराको संदेश दिंदै सौहार्दको शहर नेपालगंजमा इस्लाम धर्मावलम्बीहरुको महान पर्ब मोहरर्म हरेक बर्ष हर्षोल्लासका साथ मनाउँदै आएपनि यस बर्ष कोरोना भाइरसको आतंक उच्च रहेको कारणले यस बर्षको मोहरर्म पर्ब हरेक बर्ष भन्दा फरक ढंगले मनाइएको छ ।
यस बर्ष कोरोना भाइरसको प्रकोप फैलिएका कारण नेपाल सरकारले कोरोना भाइरसलाई नियन्त्रण तथा फैलिन नदिनका लागि हरसम्भव प्रयास गरि रहेका बेला संयुक्त मोहर्रम समितिले पनि यस बर्षको मोहरर्म पर्ब सामाजिक दुरी तथा सरकारको नियमको पूर्ण पालनाका साथ मोहरर्म पर्व मनाउने निर्णय गरेको थियो ।
लब्बैक या हुसैन १४४२ हिजरी भन्ने नारा सहित केन्द्रीय मोहर्रम तथा कर्बला व्यवस्थापन समितिले नेपालगञ्जमा पत्रकार सम्मेलन मार्फत यस वर्ष बिश्वभरी कोरोना भाइरसको प्रकोप उच्च रहेकाे र नेपालगञ्ज बजारमा दैनिक रुपमा कोरोना संक्रमितहरु देखापरि रहेका कारणले स्थानीय प्रशासनले जारी गरेको सामाजिक सुरक्षा मापदण्ड अनुसार नै यस बर्षको मोहर्रम पर्व मनाईएकाे केन्द्रिय मोहर्रम तथा कर्बला व्यवस्थापन समितिका अध्यक्ष गुलाम हुसैन हलवाई ( फिरोज वारसी)ले बताउनुभयो ।
इराक स्थित कर्बलामा युद्धका दौरान शहादत प्राप्त गरेको शहीदहरुको सम्झनामा हरेक वर्ष हुसैनी जुलुस मोहरर्म पर्व मनाइने गरिएको धर्मिक अगुवाहरु बताउँछन् ।
स्मरणीय रहोस् इस्लाम समुदायसँगै हिन्दु धर्मवलम्बिहरुले समेत यो पर्वलाई मनाउँदै आएका छन ।
Discussion about this post