जावेद अन्सारी
बाँके भदौ १७ गते ।
नेपालगन्ज उपमहानगरपालिका–७ का सुरेशकुमार श्रेष्ठलाई तीन बर्ष अघि स्थानीयतहको निर्वाचनमा चुनाव जितेर जनप्रतिनिधि आएपछि लागेको थियो, अव त आफ्नो वडामा पनि विकास निर्माणका कामहरु हुने छन् । नाला र सडक निर्माण हुने छ । बर्षौदेखिको डुवान समस्या समाधान हुने छ ।
तर श्रेष्ठको सपना तीन बर्ष पुगिसक्दा समेत पुरा भएको छैन् । भोट हालेर चुनाव जितेका जनप्रतिनिधिको जनतासँग प्रत्यक्ष भेटघाट भइरहनु पर्ने हो । प्रदेश र केन्द्रका सांसदहरु समेत आफ्नो निर्वाचन क्षेत्रमा जाने र जनताका पीरमर्का बुझ्ने गरेका छन् । तर वडाअध्यक्ष जुम्मन खाँन आफ्नै वडाबासीलाई समेत भेट्दैनन् ।
यतिसम्म की चुनाव जितेर गएपछि एकपटक पनि मुख देखाएका छैनन् श्रेष्ठले भने–‘चुनाव जितेपछि एकपटक पनि आउनुभएको छैन् हामीलाई त सौताने व्यवहार जस्तै गर्नुभएको छ ।’ मेयर धवल शम्शेर राणा, उपमेयर उमा थापालाई समेत समस्या समाधानका लागि यहाँका स्थानीयले गुहारेका छन् ।
तर उनीहरुले समेत वडाअध्यक्षलाई भन्नुहोस् भन्दै फर्काइदिए । तर वडाअध्यक्ष जुम्मन भने उनीहरुसँग भेट्दैनन् । आफ्नै वडाबासीलाई वडाअध्यक्ष जुम्मनले किन सौताने व्यवहार गरिरहेका होलान ? एक महिलाले वडाअध्यक्षको भनाइ उध्रृत गर्दै भनिन् तपाईहरुको टोलबासीले मलाई भोट दिएन् विकास किन गर्ने ? वडाअध्यक्ष जुम्मनले निर्वाचनमा आफुहरुलाई सहयोग नगरेको भन्दै एउटा पुरै टोललाई वडाबाट प्रदान गर्ने सेवासुविधाबाट बञ्चित गरिदिएका छन् ।
यहाँसम्मकी उनले भोट नदिने मान्छेलाई वडाबाट पाउने सम्पूर्ण सेवासुविधाबाट बञ्चित गरिदिएका छन् । स्थानीयहरु फुटेको ट्यांकीबाट पानी खाइरहेका छन् । सडक र नाला निर्माण नहुदा स्थानीयलाई हिडडुलको समस्या त छदै छ रोगको समेत डर छ । जनप्रतिनिधि आएको हामीलाई आभास नै भएको छैन ती स्थानीयले भने–‘नालाको निकासको नहुँदा थोरै पानी पर्दा पनि टोल डुवानमा पर्छ । सर्प र विच्छी घरभित्र पस्छन् ।
बालबालिकालाई जोगाउनै मुस्किल हुन्छ ।’ वडाअध्यक्ष जुम्मन यदीसम्म निकृष्ट बनेका छन् यहाँका टोलबासीले समस्या समाधान गर्न अपिल गर्दा आफु अव वडाबासी समेत नभएको भन्दै कामै नगर्ने धम्की दिन्छन् । अव आफु ७ नम्वरबासी नभएको भन्दै यहाँबाट चुनाव नलड्ने भएकाले सहयोग नगर्ने धम्की समेत दिन्छन् । उनले ५ नम्वरमा आफ्नो बसाइसराइ भइसकेको यहाँका टोलबासीलाई बताउने गर्छन् ।
तर वडाअध्यक्ष खाँ ले भने आफुलाई त्यहाँको समस्याबारे जानकारी नै नभएको गैरजिम्मेवार अभिव्यक्ती दिन्छन् । उनले समस्यामा परेका टोलबासीले समस्या नै नभनेको अभिव्यक्ती दिन्छन् । अझ उनले भने यदीसम्म भन्न भ्याए, समस्यामा परेका स्थानीय डेलिगेसन र निवेदन दिनु पर्छ ।
मुखले भन्नु पर्दा लिखितरुपमा दिनु पर्ने उनको लापरवाहीपूर्ण जवाफ दिएका छन् । आफुले सकेसम्म जनताको काममा खटिरहेको उनले दावी गरे । वडाअध्यक्ष खाँ ले भने –‘अरुले चारपांग्रे र प्लेन चढ्छन् म स्कुटी चढेर के विराए ?’
भिडियो हेर्नुस्
Discussion about this post