बाँके भदौ १७ गते ।
बैदेशिक रोजगारीमा भारत जान चाहने युवाहरूको नेपालगन्जको जमुनाह नाकामा लर्को नै लाग्न थालेको छ । प्रदेश पाँचका पहाडी जिल्ला र कर्णाली प्रदेशका नागरिकहरू रोजगारीका लागि भारतका विभिन्न शहर जाने गरेका छन् ।
अधिकांश युवा रोपाई सकेर दशै तिहारका लागि आम्दानी गर्न मजदुरी खोज्दै भारत जान थालेका छन् । खेतबारीको उब्जनीले केही महीना मात्र पुग्ने भएपछि उनीहरु रोजगारीका लागि भारत जाने गरेका छन । भारतमा कोरोना संक्रमण बढेपछि संक्रमित हुने त्रासले नेपाल आएका सयौ युवा घर खर्च चलाउन धौधौ परेपछि यसको प्रवाह नगरी फेरी रोजगारी खोज्न भारत जान थालेको बताउँछन् ।
यस क्षेत्रका युवाहरु काम खोज्न नेपालगन्ज नाका हुदै भारत जान थालेका छन् । कर्णाली प्रदेशको जाजरकोट, रुकुम, जुम्ला लगायतका जिल्लाका युवाहरुले गाउँमा रोजगारी नभएको भन्दै भारत जान थालेको नेपालगन्ज नाका हुदै भारत जानहरु बताउँछन् ।
नेपाल—भारत सीमास्थित ईलाका प्रहरी कार्यालय जमुनाहाका अनुसार यतिबेला कोरोनाको प्रवाह नगरी भारत जाने नेपालीहरुको संख्या एकाएक बढेको बताएको छ । नेपालीहरुको सुरक्षाका लागि सीमावर्ती भारतीय सुरक्षा अधिकारीहरुसँग समन्वय गरिएको छ ।
भारत जानेहरूमध्ये रुकुम, जाजरकोट, प्यूठान, दैलेख, सल्यान र बाँके जिल्लाका सर्वसाधारण बढी रहेको सीमा प्रहरी बताउँछ । सरकारले नेपाल भारत सिमानाका जमुनाह पूर्ण रूपमा बन्द गरेको छ । जमुनाह प्रहरीले आधार कार्ड भएकालाई मात्र भारत प्रवेश गर्न दिइएको छ । जमुनाह प्रहरीका इन्चार्ज विष्णु गिरीका अनुसार, भारतीय आधार कार्ड भएकाहरुलाई भारतीय प्रहरीको समन्वयमा भारत जान दिने गरिएको हो ।
Discussion about this post