बाँके भदौ २२ गते ।
बाँकेका विकट क्षेत्रमा प्रभावकारी फोन तथा ईन्टरनेट सेवा विस्ताकालागि छलफल गरीएको छ । बाँके क्षेत्र नं. १ का सँघिय साँसद महेश्वर गहतराज अथकको पहलमा दुरसँचार बिस्तारका लागि सोमबार जिल्ला प्रशासन कार्यलय बाँकेमा छलफल गरीएको हो ।
विशेष गरि बाँके क्षेत्र नं. १ मा पर्ने कचनापुर, कुसुम, गुर्दनगौरी, खयर भट्टि क्षेत्रमा मोबाइल फोन र इन्टरनेटको सुबिधा बिस्तारकालागि पहल सुरु गरीएको हो ।
दुरसंचारका टावरहरु निर्माण गर्नुपर्ने र उक्त टावरहरु निर्माण गर्दा बन क्षेत्रमा पर्ने र बनको ऐन कानुन अनुसार बन क्षेत्रमा इ.आइ.ई. प्रतिबेदन नभइ कुनै पनि संरचना निर्माण गर्न नपाइने भएको हुँदा समस्या भएको बन डिभिजन कार्यालय बाकेका प्रमुख मोहन प्रसाद श्रेष्ठले जानकारी दिए । क्षेत्र नं. १ मा संचारको पहुँच नभएका स्थानहरुमा इआइई प्रतिबेदन तयार गरि टावर निर्माण कार्य अगाडी बढाउने समझदारी भएको छ ।
सोमबार बसेको उक्त बैठकमा राप्तीसोनारी गाउपालिका वडा नं. ४ मा पर्ने गुर्दनगौरी खयर भट्टी क्षेत्रमा शसस्त्र प्रहरीको पोस्ट स्थापना गर्न तत्काल नापी कार्यालय र शसस्त्र प्रहरी सहितको कर्मचारी पठाईने प्रमुख जिल्ला अधिकारी राम बहादुर कुरुम्बाङले जानकारी दिए ।
सँघिय साँसद अथकले इ.आइ.इ. रिपोर्टका लागि तत्काल पहल गर्ने बताएका छन । उक्त क्षेत्रमा दुर सँचारका टावरहरु निर्माण नहुँदा स्थानियहरु संचार सुबिधाबाट बन्चित हुँदै आएका छन ।
प्रमुख जिल्ला अधिकारी राम बहादुर कुरुम्बाङ मार्फत बोलाइएको उक्त बैठकमा बाँके क्षेत्र नं. १ का सँघिय साँसद महेश्वर गहतराज अथक, जिल्ला बन कार्यालयका प्रमुख मोहन प्रशाद श्रेष्ठ, दुरसँचार कार्यालय नेपालगञ्जका प्रमुख नरेश कुमार यादव, शसस्त्र प्रहरी प्रमुख सहितको उपस्थितिमा रहेको थियो ।
Discussion about this post