बाँके भदौ २३ गते ।
मंगलबार बिहान सडक दुर्घटनामा परी गम्भीर घाईते भएका नेकपा बाँकेका नेता चक्र मिलन चन्दलाई थप उपचारकालागि काठमाण्डौं पठाईएको छ । कोहलपुरको न्युरोड चोक नजिकै युवा नेता चन्द सवार भे ९ प १९१० नम्बरको स्कुटरलाई पानी वोक्ने पिकअप गाडीले ठक्कर दिएको थियो ।
घटना लगत्तै नेपालगन्ज मेडिकल कलेज कोहलपुरमा पुर्याईएका चन्दको टाउकोमा रगत जमेकाले थप उपचारकालागि काठमाण्डौं रिफर गरीएको हो । बाँके क्षेत्र नं. १ का संघिय साँसद महेश्वर गहतराज अथक, नेकपा ५ नं. प्रदेशका सदस्यहरु नरेन्द्र पाण्डे ‘जेम्स’, नरेन्द्र न्यौपाने लगायतको पहलमा प्लेन चार्टर गरेर चन्दलाई काठमाण्डौं पठाईएको छ ।
काठमाण्डौंको नर्भिक हस्पिटलमा चन्दको उपचार हुने भएको छ । लामो समय बाँकेको विद्यार्थी आन्दोलनको नेतृत्व गरेका चन्द साविकको अखिल (क्रान्तिकारी) का केन्द्रिय सचिवालय सदस्य समेत हुन ।
२१ औं राष्ट्रिय सम्मेलनबाट चन्दले १५ बर्षे लामो विद्यार्थी राजनितीबाट बिदा लिएका थिए । हाल उनि सत्ता नेपाल कम्युनिस्ट पार्टी (नेकपा) को जिल्ला कमिटी सदस्य समेत रहेका छन् ।
Discussion about this post