चितवन भदौ ३० गते ।
सोमबार राति आएको पहिरोका कारण पत्रकार चित्रबहादुर गुरुङसहित इच्छाकामना गाउँपालिका वडा नम्बर(६, पाँच किलोका आठ घरपरिवार विस्थापित भएका छन्। राष्ट्रिय आधारभूत विद्यालयबाट बग्दै आएको पहिरोले नारायणगढ मुग्लिन सडकको छेवैमा रहेको बस्तीमा क्षति पु¥याएको हो। घरभित्रै हिलो पसेपछि विस्थापित परिवार सुरक्षित स्थानमा बसेका छन्।
पहिरोले दुई वटा मोटरसाइकल, एकरएकवटा म्याजिक भ्यान र बलेरोसमेत बगाएको छ। पत्रकार गुरुङ तमू संचारकर्मी संघका केन्द्रीय सचिव, नेपाल आदिवासी जनजाति पत्रकार महासंघ (फोनिज) चितवनका कार्यसमित सदस्य तथा छ्याजालो न्यूज अनलाइन र इच्छाकामना न्यूज डटकमका सञ्चालकसमेत हुन्।
इलाका प्रहरी कार्यालय मुग्लिनले भने चारकिलोमा ठूलो पहिरो गएका कारण घटनास्थलतर्फ जान नसकेको जानकारी गराएको छ। कार्यालयका प्रमुख प्रहरी निरीक्षक कञ्चन खनालका अनुसार चारकिलोमा सोमबार बिहानैदेखि पहिरोका कारण बाटो अवरुद्ध बनेको छ। पञ्छाउने प्रयास हुँदाहुँदै सोमबार राति फेरि पहिरो खसेपछि बाटो थुनिएको हो।
मौखिक रुपमा घटनाबारे जानकारी आए पनि घटनास्थलको विवरण बुझ्न बाँकी रहेको उनले बताए। वास्तविकता बुझ्न पत्रकार चित्रबहादुर गुरुङलाई सम्पर्क गर्न खोज्दा सम्पर्क हुन सकेको छैन।
Discussion about this post