बाँके असोज १० गते ।
नेपाल बिद्युत प्राधिकरणले राप्तीसोनरी र नरैनापुर बिद्युतीकरणका लागि श्री गौरी पार्वती र श्रीम उष्मा र जनरल जेभीसंग भएको बिद्युतीकरणको ठेक्का रद्ध गरे संगै सो क्षेत्रका जनताले अव चाडो बिद्युत सेवा पाउने भएका छन ।
हालै नेपाल बिद्युत प्राधिकरणले ठेकेदार राजेन्द्र मिश्र संग ९ बर्ष अघि सम्झौता भएर रोकी राखेको काम अव प्राधिकरण आफैले गर्ने निर्णय गरे संगै अव सो क्षेत्रमा बिद्युत बिस्तारको काम सहज भएको हो ।
बिद्युत प्राधिकरण क्षेत्रीय कार्यालय नेपालगञ्जका प्रमुख,इन्जिनियर मुनेन्द्र ठाकुरले ९ बर्ष अघि भएको सम्झौत रद्ध गरिएको जानकारी दिए ।
राजेन्द्र मिश्र प्रोपाइटर रहेको श्री गौरी पार्वती र श्रीम उष्मा जनरल जेभीको नाममा बिगत ९ वर्ष देखि ओगटी बदनीयत पूर्ण रुपमा हालसम्म साबिकको बैजापुर र नरैनापुरको बिद्युतीकरणको काम अबरुद्व भएकाले ठेक्का रद्धसंगै अव जनताले छिटै बत्ति बाल्न पाउने बाँके क्षेत्र नं १ का साँसद एंव नेकपा नेता महेश्वर गहतराज अथकले सामाजिक सन्जाल फेसबुक मार्फत जानकारी दिए ।
ठेक्का टेन्डर भएर पनि जनताले बत्ती बाल्न त कता हो कता उनिहरु बाट काम सुरु भएको समेत देख्न नपाएको स्थिति बनेकाले अनिश्चय र लज्जाजनक अवस्थाको अन्त्य गर्न मन्त्रालय,नेपाल बिद्युत प्राधिकरण केन्द्रीय कार्यालय र क्षेत्रीय कार्यालयमा पटक पटक धाएका संसद अथकले आफु र सञ्चार माध्यमको निरन्तर खवरदारी पछि प्राधिकरण सो निर्णयमा पुग्नु खुशिको कुरा भएको बताए ।
उनले जनताको बिद्युत उपयोग गर्न पाउने कुरालाई पुरा गर्ने संकल्प र दृढताका साथ उक्त ठेक्का रद्व गरिएको भन्दै बिद्युतीकरणको काम अव तत्काल तिव्रतापूर्पक अगाडी बढ्ने बताए।
उनले महत्वपूर्ण निर्णय राज्यको हित जनताको सर्वोपरि हितलाई केन्द्रमा राखि दृढता पूर्वक गरेकोमा उर्जा मन्त्रालय ,नेपाल बिधुत प्राधिकरण र सम्बन्धीत राष्ट्रसेवक अधिकारीहरुलाई विशेष बधाई तथा धन्यवाद दिएका छन ।
Discussion about this post