बाँके असोज १२ गते ।
बाँकेमा कोरोना भाइरसको संक्रमण बढ्दै गइरहेको बेला कोरोनालाई जित्नेको सँख्या पनि बढ्दै छ । आज सोमबार २९ जना कोरोनालाई जितेर घर फर्कदै छन् । जस अन्तर्गत १० जना महिला र १९ जना पुरुष रहेका छन् । यो संगै बाँकेमा १ हजार ४ सय ६३ जनाले कोरोना भाइरसलाई पराष्त गरिसकेका छन् ।
हालसम्म बाँकेमा १ हजार ८ सय २१ जना कोरोना संक्रमित भएको स्वास्थ्य कार्यालय बाँकेका कोभिड १९ फोकल पर्सन नरेशबाबु श्रेष्ठले बताए ।कोरोना परीक्षणको रिपोर्टमा पुष्टि भएपछि उनिहरुलाई गत भदौ २९ गते जिल्लाका विभिन्न आईसोलेशन सेन्टरमा भर्ना गरिएको थियो ।
केहि होम आइसोलेसनमा बसेका छन् भने विभिन्न आईसोलेशनमा राखिएको १४ दिनपछि डब्लुएचओ स्वास्थ्यको मापदण्डअनुसार उनीहरूलाई डिस्चार्ज गर्न लागिएको फोकल पर्सन श्रेष्ठले जानकारी दिए । अब बाँके जिल्लाको आइसोलेसनमा ३ सय ४५ जना उपचारार्थ रहेका छन् भने हालसम्म कोरोनाका कारण बाँके जिल्लामा १३ जनाको मृत्यु भइसकेको छ ।
बाँके जिल्लामा रोगको प्रकोप दरप्रति १०० मा ०.३० प्रतिशत, बिरामीको मृत्यु दर ०.७१ प्रतिशत र बिरामीको निको हुने दर ८०.३४ प्रतिशत रहेको छ ।
Discussion about this post