बाँके असोज १४ गते ।
नरैनापुर गाउँपालिकामा इलाका प्रशासन कार्यालय लगायतका सेवा प्रदायक कार्यालय पुनस्र्थापनाको लागि सम्वाद सहजीकरणलाई सशक्त बनाइदैछ । पाच वर्ष अघि नेपालगञ्जमा खुम्चीएको प्रशासन कार्यालय पुनस्र्थापनाको माग र पहल विफल भएपछि सम्वाद समूह बाँकेले सरोकार पक्षसँग निरन्तर सम्वाद प्रक्रिया अघि बढाएको हो । राज्यको सशक्त र प्रभावकारी उपस्थिती नरहेको नरैनापुरमा नागरिकता लगायत सरकारी सीफारिस जस्ता आधारभुत अत्यावश्यक सेवा लिन नेपालगञ्ज पुग्नु पर्ने विवशता कायमै रहेपछि नरैनापुर गाउँपालिकाले पनि आवश्यक पहलका लागि सक्रियता देखाएको छ ।
इलाका प्रशासन कार्यालय लगायतका कार्यालय पुनस्र्थापना गरि सहज सेवा प्रवाहको बातावरणका लागि सहजीकरण गरिदिन नरैनापुर गाउँपालिकाले गत जेठ ८ गते सम्वाद समूह अन्तर्गत सम्वाद सहयोगी समूह नरैनापुरलाई अनुरोध गरेको थियो । सम्वाद सहयोगी समूह नरैनापुरको संयोजनमा बुधबार नरैनापुर गाउँपालिकामा सेवा प्रदायक कार्यालयको पुनस्र्थापन र सेवा प्रवाहको सहज बातावरण बनाउन सरोकारवालाबीच आवश्यक सम्वाद सहजीकरण गरिएको हो ।
जिल्ला समवय समितिका प्रमुख अजय कमार श्रीवास्तव, समन्वय अधिकारी लोक बहादुर सुनार, नरैनापुर गाउँपालिकाका अध्यक्ष मो इस्तीयाक शाहको विशेष उपस्थितीमा गरिएको अन्तर सम्वादमा कानून प्रदत अधिकार र सेवा प्राप्त गर्ने बातावरण सिर्जना गर्न सामुहिक पहल गर्ने प्रतिवद्धता पनि व्यक्त गरिएको छ । नरैनापुर गाउँपालिकाका प्रमुख प्रशासकीय अधिकृत लगायत शाखा प्रमुख, सुरक्षा यूनिटका प्रमुख, वडा अध्यक्ष र सम्वाद सदस्यवीचको अन्तर सम्वादमा इलाका प्रशासन कार्यालय, छोटी भन्सार, नापी, पशु क्वारेटाइन पुनस्र्र्थापन र सेवा प्रवाह गर्नका लागि जिल्ला प्रशासन कार्यालय लगायतका निकायमा आवश्यक पहल गर्नु पर्ने सुझाइयो ।
सम्वाद समूह बाँकेका सहजकर्ता शुक्रऋषि चौलागाई र सम्वाद सहसहजकर्ता मकबुल मुकेरीद्धारा सहजीकरण गरिएको कार्यक्रममा नरैनापुर गाउँपालिका अध्यक्ष शाहले अत्यावश्यक सेवा प्रवाह गर्ने कार्यालय र शाखा पुनस्र्थापनाको ढीलाई अब स्वीकार्य नहुने बताउनु भयो । प्रमुख प्रशासकीय अधिृकृत महेन्द्र जंग शाहीले नागरिकता प्राप्ती लगायतका सेवा पाउन असहज भएकाले थप सेवालाई पनि प्रभावीत बनाई रहेको गुनासो गर्नु भयो ।
कार्यक्रममा वडा न २ का अध्यक्ष मसुद अहमद शाह, वडा न ४ का अध्यक्ष दिनेश शर्मा, सशस्त्र प्रहरी निरिक्षक नरेश सुवाल वाटा लगायतले पनि आफनो भनाई राख्नु भएको थियो । सम्वाद समूह बाँकेका सहजकर्ता चौलागाईसँगको सम्वादमा बाँकेका प्रमुख जिल्ला अधिकारी राम बहादुर कुरुम्वाङले इलाका प्रशासन कार्यालय स्थापनाको तयारी भएपनि त्यहाँ अधिकृत नपठाइदा ढिलाई भएको स्वीकार्नु भयो ।
अन्य सेवा प्रदायकको सेवा बारेपनि गाउँपालिकाकै समन्वयमा सम्वद्ध कार्यालयसँग पहल गरिने उहाँले विश्वास दिलाउनु भयो । सम्वाद समूह बाँकेले जिल्लास्थित सम्वद्ध सरोकार निकायसँग थप सम्वाद सहजीकरण गर्ने तयारी गरेको छ ।
Discussion about this post