बाँके असोज २१ गते ।
बाँके प्रहरीले ६५औं प्रहरी दिवसको अवसरमा विभिन्न कार्यक्रमको आयोजना गरेको छ । प्रहरी दिवसको अवसरमा खेलकुद (ब्याडमिन्टन, रनिङ, टेबलटेनिस, म्युजिकल चेअर लगायत), सरसफाइ लगायतका सामाजिक कार्य तथा भेटघाट छलफल कार्यक्रमको आयोजना गरिएको बाँके प्रहरी प्रबक्ता एवं सुचना अधिकारी सुवास खड्काले बताए । खेलकुद कार्यक्रममा जिल्ला प्रहरी तथा मातहतका प्रहरी इकाईहरुको सहभागितामा अन्तरप्रहरी खेलकुद प्रतियोगिताको संचालन गरिएको छ ।
खेलकुदमा उत्कृष्ट हुनेहरुलाई असोज ३० गते ६५ औं प्रहरी दिवसको दिनमा पुरस्कृत गरिने सुचना अधिकारी प्रनाउ खड्काले जानकारी दिएका छन् । त्यसैगरी, सामाजिक कार्य अन्तर्गत सरसफाइ लगायतका क्रियाकलाप गरिएको उनले बताए । भुतपुर्व प्रहरी, अमर प्रहरी परिवार तथा अशक्त प्रहरीहरुसङ्ग भेटघाट, छलफल तथा चियापानको कार्यक्रम राखीएको छ ।
खेलकुदका माध्यमबाट आत्मबल बढ्ने, शारीरिक फिट्नेस हुनुका साथै प्रहरी कर्मचारी बिचमा अन्तर्घुलन, सामिप्यता तथा अपनत्व बढ्ने हुँदा कार्यक्रम गरिएको प्रनाउ खड्काले बताए । प्रहरी ऐन, २०१२ मा लालमोहर लगाइएको दिनको स्मरणमा हरेक वर्ष यो दिवस मनाइँदै आएको छ ।
Discussion about this post