सरला सुवेदी
बाँके असोज २६ गते ।
बाँके जिल्लामा बाल विवाह न्युनिकरणमा भुमिका निर्वाह गर्ने पत्रकारका लागि नेपालगन्जमा दुई दिने कार्यशाला सुरु भएको छ ।
प्लान इन्टरनेशनल नेपालको सहयोगमा सामाजिक सचेतन सराेकार मञ्च (स्याक) नेपालले आयोजना गरेको कार्यशालामा बाँकेका विभिन्न अनलाइन र रेडियोमा कार्यरत पत्रकार सहभागी भएका छन् । कार्यशाला भोलि सम्म चल्ने छ ।
कार्यक्रममा कोभिड १९ लाई मध्यनजर गर्दै महिला पत्रकार र पुरुष पत्रकारहरुको लागि छुट्टाछुट्टै संचालन गरिएको थियो ।
पछिल्लो समय बाँकेमा बालविवाह बढ्दै गएको भन्दै त्यसको रोकथामका लागि पत्रकारहरुले प्रभावकारी भूमिका खेल्नुपर्ने नेपालगन्जमा आयोजित बालविवाह न्यूनिकरणमा पत्रकारको भूमिका विषयक कार्यशालाका सहभागीहरुले बताएका हुन् ।
कार्यशालामा स्याक नेपाल बाँकेका बाल विवाह रोकथाम परियोजनाका प्रबन्धक जगदिश थापाले बालबिवाह रोकथाममा पत्रकारहरुको महत्वपूर्ण भूमिका बारे पुरुष पत्रकारहरुलाई सहजीकरण गरेका थिए भने । महिला पत्रकारहरुलाई बालविवाह न्यूनीकरण ,रोकथाम र नियन्त्रणको लागि महिला पत्रकारहरुले खेल्नु पर्ने भूमिका सम्बन्धी समस्या सङ्ग कसरी जुध्ने अनि सत्यतथ्य कुरालाई समाचार बनाएर प्रस्तुत गर्ने भनी नेपाल पत्रकार महासङका पुर्व अध्यक्ष रुद्र सुबेदीले सहजीकरण गरेका थिए ।
कार्यक्रममा उनले बालबालिकाको हक अधिकार सम्बन्धी संविधानमा उल्लेख गरेका कुराहरु सहभागीहरु बिचमा ल्याएर खुल्ला छलफल समेत गराएका थिए।
Discussion about this post