भिम पौडेल
बाँके कार्तिक ८ गते ।
बाँकेमा कोरोना भाइरसका संक्रमित थपिने क्रम रोकिएको छैन् । करिव ३ हजारको हाराहारीमा संक्रमित पुगिसकेका छन् । ३० जनाको मृत्यु भइसकेको छ । ६ सय बढी आइसोलेसनमा बसीरहेका छन् । भाइरस संक्रमणको जोखिम झन झन बढ्दै गएको छ । तर नेपालगन्जको नाकामा भने मानिसहरु भीडभाड थामिनसक्नुको देखिन्छ ।
न स्थानीय प्रहरी प्रशासन त्यसको व्यवस्थापन गर्न तर्फ लागेको देखिन्छ न त नागरिक स्वयम सचेत भएका छन् । दशैतिहार मनाउन भारतबाट आउनेको संख्या र रोजगारीका लागि भारत जानेको संख्या उही हाराहारी हुँदा नेपालगन्जको जमुनाह नाकामा मानिसहरुको भीड असाध्यै छ । थामिनसक्नु यो भीडलाई व्यवस्थित गर्ने सवालमा कसैको ध्यान जान सकेको छैन । जमुनाह नाकामा नमस्कार शाह नेतृत्वको बासले हेल्प डेस्क स्थापना गरेपनि त्यो प्रभावकारी छैन् ।
उल्टै मानिसहरुको भिडभाड गराउने थलो बनेको छ । सिडिओ रामबहादुर कुरुम्वांग, मेयर धवल शम्शेर राणा आफै गएर उद्घाटन गरेको उक्त हेल्प डेस्क मानिसहरु भिडभाड गराउने थलो बनेको हो । मानिसहरुलाई व्यवस्थित गराउने सवालमा हेल्प डेस्कले कुनै भूमिका निभाउन सकेको छैन् ।
यस्तो लाग्छ नाकामा पुग्दा कोरोनाको जोखिम छँदै छैन् । कोरोना रोकथाम, नियन्त्रण र निदानका लागि भनेर आफु बाँके आएको बताउने सिडिओ जमुनाह नाकामा कोरोनाको जोखिम बारे बेखवर जस्तै देखिएका छन् । सरकारले बनाएको स्वास्थ्य प्रोटोकलको धज्जी उडाएको छ । तर सिडिओ वेखवर छन् ।
यहाँ न मास्क लगाएका छन न त सामाजिक दुरीको नै पालना भएको देखिन्छ । जमुनाहमा कोरोना छैन र ? सिडिओ सावले त्यहाको भिडभाडलाई व्यवस्थित गर्न पहल गर्नु पर्दैन र ? स्थानीय प्रहरी प्रशासनमात्र होइन् सर्वसाधरण समेत आफ्नो स्वास्थ्य सुरक्षाबारे चासो देखिएको पाइएको छैन् ।
भीडभाड गर्नु हुदैन् कोरोनाको जोखिम हुन्छ भन्ने थाहा पाउँदा पाउँदै पनि उनीहरु भीडभाड गरिरहेका हुन्छन् । सरकारले मास्क लगाउन भनेको छ । तर त्यही पनि लगाउँदैनन् । सामाजिक दुरीको पालना गर भनेको छ त्यो पनि गरेको देखिदैन् । आफ्नो स्वास्थ्य बारे नागरिकहरुले सचेत नहुँदा पनि कोरोनाको जोखिम बढेको छ ।
Discussion about this post