ताहिर शेष राई (साहिल)
बाँके कार्तिक १६ गते ।
महिलाहरुको महापर्व करवा चौथको अवसरमा श्रृंगार प्रतियोगिता तथा शुभकामना आदानप्रदान कार्यक्रम नवदुर्गा किर्तन ग्रुपले शनिबार नेपालगन्जमा आयोजना गरेको छ ।
नेपालगन्ज उपमहानगर पालिका वडा नम्बर ८ कि महिला सदस्य तथा समाजसेवी रमारानी वैश्यको संयोजकत्वमा श्रृंगार प्रतियोगिता २०७७ को आयोजना गरिएको हो ।
सो अवसरमा नव दुर्गा किर्तन ग्रुपद्वारा नेपालगन्ज पहिलोपटक करवा चौथ प्रतियोगिता गरेको छ। किर्तन ग्रुपले समाजसेवी कृष्णादेवी पाण्डेलाई प्रथम करवा चौथ क्वीन उपाधी विजेता घोषणा गरेको हो । कार्यक्रममा करीब पचास भन्दा बढि महिलाको उपस्तिथि रहेका थियो । प्रतियोगितामा पर्वविशेष गीतमा नृत समेत गरिएका थिए ।
यसैगरी आउने बुधबार हुने करवा चौथको पर्वका लागि के कस्तो तयारी गर्नुपर्ने वा मनाउन बारे अभ्यास तथा छलफल समेत गरेका थिए । कार्यक्रममा सासु र जेठानीसंग आशिर्वाद लिने तथा शुभकामना आदान प्रदान गरेका छ्न ।
Discussion about this post