बाँके कार्तिक १८ गते ।
बहुमूल्य नागमणि भन्दै ‘झिमिक–झिमिक बल्ने’ सानो पदार्थ देखाएर एक करोड ८९ लाख ५० हजार ठगी गरेको आरोपमा तीनजना पक्राउ परेका छन् । बाँके प्रहरीले उनीहरुलाई नेपालगञ्ज उपमहानगरपालिका १ बाट चालिस लाख रुपैयासहित नियन्त्रणमा लिएको छ ।
दाङ घोराही उपमहानगरपालिका १७ का माधवप्रसाद घिमिरेलाई दैलेखका धनबहादुर रोका, सल्यानका कृष्ण शाह र डिल्लीबहादुर बोहराले नागमणिको विश्वासमा पारेर एक करोड ८९ लाख ५० हजार रुपैया ठगेको खुलेको छ ।
नेपालगञ्जको एक होटलमा बसेर मूल्य निर्धारण गरेका उनीहरु पैसा बुझेपछि फरार भएका थिए । बाँके प्रहरी प्रमुख एसपी ओमबहादुर रानाले पत्रकार सम्मेलन गरेर घटना सार्वजनिक गरेका छन् ।
उनका अनुसार, तीन जनाले घिमिरेलाई नागमणिको धार्मिक महत्व हुनुका साथै व्यापार व्यवसाय राम्रो हुने, घरमा लक्ष्मीको बास हुने, परिवारका सदस्यको आयु लामो हुने, घरपरिवारमा सुखशान्ति, सम्बृद्धि हुने भन्दै प्रलोभनमा पारेका थिए ।
रेडपाण्डाको छाला सहित पाँचजना पक्राउ
दुर्लभ वन्यजन्तु रेडपाण्डाको छालासहित पाँचजना पक्राउ वरेका छन् । जिल्ला बाँके कोहलपुर नगरपाकिका वडा नं ११ बसपार्क स्थिल न्यू राप्ती होटलको कोठामा दुर्लभ वन्यजन्यु रेडपाण्डाको छालाको ओसारपसार भईरहेको भन्ने सुचनाको आधारमा जिल्ला प्रहरी कार्यालय बाट खटिएको विशेष प्रहरी टोलीले उनीहरुलाई पक्राउ गरेको हो ।
पक्राउ पर्नेमा सुर्खेत बराहताल ५ वस्ने गणेश नेपाली, लालबहादुर नेपाली, जिल्ला दैलेख चामुण्डा बिन्द्रासैनी ५ वस्ने दिनेश कार्कि र उमेश बहादुर थापा रहेका छन्। निलो झोला भित्र रहेको २ फिट २ ईन्च लम्बाई भएको दुर्लभ वन्यजन्यु रेडपाण्डाको छाला उनीहरुबाट बरामद भएको छ ।
नेकपा विप्लवका ३ जना कार्यकर्ता पक्राउ
बाँके प्रहरीले नेकपा विप्लव समूहका तीनजनालाई पक्राउ गरेको छ । नेपाल सरकारद्धारा प्रतिबन्धित उनीहरुलाई विभिन्न गतिविधि सन्चालन गर्न लागेको सूचनाका आधारमा पक्राउ गरिएको बाँके प्रहरीले जनाएको छ ।
पक्राउ पर्नेमा भरत विक, राम बहादुर तिरुवा र डि.बि शाही भन्ने डम्बर बहादुर शाही रहेका छन् । उनीहरुलाई जिल्ला प्रहरी कार्यालयमा राखेर थप अनुसन्धान सुरु गरिएको बाँकेका एसपी ओम रानाले बताउनुभयो ।
३ किलो अफिम सहित पक्राउ
तीन किलो लागु पदार्थ अफिमसहित रुकुमका युवा पक्राउ परेका छन् । उनी राप्तीसोनारी गाउँपालिका १ कुसुमबाट १५ गते पक्राउ परेको बाँके प्रहरीले जनाएको छ । पक्राउ पर्नेमा रुकुम पश्चिम सानीभेरी गाउँपालिका ८ बस्ने बर्ष २७ को चन्द्र प्रकाश वली रहेका छन् ।
कुसुम नाका हुदै केही मानिसले लागु औषध अफिम नेपालगंज तर्फ ल्याउन लागेको भन्ने बिशेष सुचनाको आधारमा जिप्रकाबाट खटिएको विशेष प्रहरी टोलीले वलीलाई चेकजाँच गर्दा निजले पछाडी बोकेको कालो खैरो कलरको झोला भित्र कालो प्लाष्टिकले लपेटी राखेको तीन किलोग्राम लागु औषध अफिम फोला परेको प्रहरीले जनाएको छ ।
२२ ग्राम ब्राउनसुगर सहित चार जना पक्राउ
२२ ग्राम ब्राउनसुगर सहित चार जना नेपालगन्जमा पक्राउ परेका छन् । नेपालगंज उपमहानगरपालिका १३ किसान ईट्टाभट्टा नजिक लागुऔषध ब्राउनसुगरको कारोबार भईरहेको भन्ने सुचनाको आधारमा जिप्रका तथा लागु औषध नियन्त्रण व्युरो नेपालगंजबाट खटिएको प्रहरी टोलीले उनीहरुलाई पक्राउ गरेको हो ।
पक्राउ पर्नेमा भारत रुपैडिया सांकेतनगर वस्ने वर्ष २८ को राकेश कुमार सोनी , वर्ष १९ को जुगेन्द्रर सोनी, जिल्ला बाँके खजुरा गाउँपालिका ३ बि गाँउ वस्ने वर्ष १९ को बिण्णु थापा क्षेत्री , नेपालगंज उपमहनागरपलिक २ घरबारी टोल वस्ने वर्ष २५ को सागर थापा रहेका छन् । प्रहरीले उनीहरुबाट २० पुडियामा राखेको २० ग्राम ब्राउनसुगर बरामद गरेको छ ।
Discussion about this post