बाँके कार्तिक २२ गते ।
नेपालगन्जको ट्राफिक व्यवस्थापनका लागि जिल्ला ट्राफिक प्रहरी कार्यालय उदासिन देखिएको छ । ट्राफिक व्यवस्थापनमा ट्राफिकले कन्जुस्याई गरेपछि यतिवेला नगरका विभिन्न चोक, गल्ली तथा सडकहरु अस्तब्यस्त हुादै गएका छन् ।
यसले पैदलयात्रीलाई हिडडुल गर्न समेत अप्ठेरो बनेको छ ।विशेषगरि नेपालगन्ज सदरलाईन, त्रिभुवन चोक, सेतुविकचोदेखि सुर्खेतरोड जाने बाटो, भेरी अस्पताल र कोहलपुरको नयाँ सडक, मुख्य सडक, चौराह, बसपार्क लगायतका क्षेत्रमा उचितरुपमा ट्राफिक व्यवस्थापन हुन सकेको छैन । भनौ ट्राफिकको उपस्थिती नै रहेको छैन । ट्राफिक व्यवस्थापनमा जिल्ला ट्राफिक कार्यालय उदासिन बन्दा सर्वसाधरणले सास्ती भोग्नु परेकोछ ।
एकातिर जनशक्ति अभावका कारण ट्राफिक व्यवस्थापन गर्न ट्राफिक प्रहरीले समस्या भोगिरहेको बताइरहेको छ । अर्कोतर्फ नेपाल प्रहरी र उपमहानगरको नगर प्रहरीलाई ट्राफिक व्यवस्थापनमा रत्तिभरी पनि वास्ता नै छैन । जसका कारण शहरको ट्राफिक व्यवस्थापन हिजोभन्दा दिनप्रतिदिन अस्तव्यस्त भइरहेकोछ ।
ट्राफिक कार्यालयमा नयाँ हाकिम आएसगैं ट्राफिक व्यवस्थापनमा सुधार आउने अपेक्षा राखेको नगरबासीले दशैतिहार यता भद्रगोल ट्राफिक व्यवस्थापनका कारण सास्ती भोग्नु परेकोछ । बाँकेका ट्राफिक प्रमुखलाई यहाँको ट्राफिक व्यवस्थापनमा कुनै चासो छैन् । उनी बाँकेमा आएदेखि नै मोटो रकम असुलीमा व्यस्त रहदै आएको ट्राफिक प्रहरी नै बताउँछन् ।
Discussion about this post