बाँके कार्तिक २३ गते ।
नेपालमा प्रतिबन्धित नाइट्रोभ्याटसहित जमुनाह प्रहरीले २ जनालाई पक्राउ गरेको छ । पक्राउ पर्नेमा नेपालगन्ज १६ का २४ बर्षका फरमान राइ र बर्दिया राजापुर नगरपालिका १ का २० बर्षका डम्बर चलाउने रहेको जमुनाह प्रहरीका इन्चार्ज विष्णु गिरीले बताउनुभयो ।
८० पिस ट्याब्लेट भारतबाट ल्याउँदै गरेको अवस्थामा ती दुईजना पक्राउ परेका हुन् । लागु औषध अनुसन्धान ब्युरोको टोलीसँगको सहकार्यमा उनीहरुलाई पक्राउ गर्न सफल भएको गिरीले बताउनुभयो ।
प्लाष्टिकको झोलामा रहेको बदामभित्र उक्त नाइट्रोभ्याट ट्याब्लेट उनीहरुले लुकाएर भित्र्याउँदै थिए । रुपैडियाबाट उनीहरुलाई व्यूरोको टोलीले पछ्याइरहेको थियो । पक्राउ परेका उनीहरुलाई थप अनुसनधानका लागि जिल्ला प्रहरी कार्यालयमा पठाइएको छ ।
ADVERTISEMENT
Discussion about this post