सरला सुबेदी
बाँके कार्तिक २४ गते ।
मदन भण्डारी स्पोर्ट्स एकेडेमिको जिल्ला भेला कोहलपुरमा सम्पन्न भएको छ ।
सोमबार मदन भण्डारी स्पोर्ट्स एकेडेमीका केन्द्रिय अध्यक्ष बिनोद श्रेष्ठको प्रमुख आतिथ्य र स्पोर्ट्सका बाँके जिल्ला अध्यक्ष खेमराज शर्माको अध्यक्षतामा भेला सम्पन्न भएको हो ।
भेलालाई सम्बोधन गर्दै एकेडमीका केन्द्रिय अध्यक्ष श्रेष्ठले नेपालमा खेल क्षेत्रको अवस्थामा अझै पनि राम्रो परिवर्तन हुन नसकेको हुनाले मदन भण्डारी स्पोर्ट्स एकेडेमीले बालबालिका र युवाहरुलाई खेल प्रती उत्प्रेरित गराएर खेलप्रति आकर्षित गराउदै आएको बताएका छन् ।
उनले खेल क्षेत्रको माध्यम बाटै देशका लाखौ युवाहरुलाई रोजगारिको सिर्जना गर्ने र देशलाई बिश्वमा खेलकुद र खेल क्षेत्रैबाट चिनाउन मदन भण्डारी स्पोर्ट्स एकेडेमीले पहल समेत गरेको बताएका छन् । उनले अहिले बिद्यालय र क्याम्पस तहमा मात्र खेलकुद खेलिने र यिनै तहहरुमा मात्र खेलकुदलाई प्रोत्साहन गर्ने भएको हुदा मदन भण्डारी स्पोर्ट्स एकेडेमीले डिग्री र बिश्व बिद्यालयमा समेत खेललाई प्राथमिकतामा राख्न पहल गरेको समेत बताएका छन् ।
यस्तै एकेडेमीका अध्यक्ष खेमराज शर्माले आफुले आफ्नो कार्यकालमा खेलकुद बाट बाँके जिल्लालाई हरतवरबाट चिनाउन निरन्तर प्रयास गरिरहेको र आगामी दिनहरुमा आफू अध्यक्ष पदमा नरहेता पनि स्पोर्ट्स एकेडेमीको लागि र नया कमिटीलाई सहयोग गर्ने प्रतिबद्धता समेत व्यक्त गरेका थिए । उनले मानव जिवनमा खेलकुदको निकै महत्त्व रहेको हुदा खेलकुद क्षेत्रमा सरकारले विशेष लगानी लगाएर खेल क्षेत्र र खेलाडीहरुलाई प्रोत्साहन गर्न खेलकुद सङ्ग सम्बन्धित कार्यक्रम सन्चालन गर्नु पर्ने बताए ।
जिल्ला भेलामा मदन भण्डारी स्पोर्ट्स एकेडेमीका लुम्बिनी प्रदेश अध्यक्ष सुर्य ढकाल , कोहलपुर नगरपालिकाका प्रमुख लुटबहादुर रावत , खजुरा गाउँपालिकाका अध्यक्ष किस्मत कुमार कक्षपति नेकपाका नेता भिम ओलि , पुजन बिश्वकर्मा लगायतले आ आफ्नो धारणा राखेका थिए ।
बाँके जिल्ला भित्र का खेलप्रेमी युवाहरुलाई समेटेर गठन गरिएको खेमराज शर्मा नेतृत्वको कमिटी लाई विघटन गरि रमेश मिजारको नेतृत्वमा ७१ सदस्यीय जिल्ला कमिटी गठन गरिएको हो ।
Discussion about this post